Waqt-e-Rukhsat Baap Ko Nadeem Sarwar Lyrics In Urdu 2003
Waqt-e-Rukhsat Baap Ko Nadeem Sarwar.
Waqt-e-Rukhsat Baap Ko Betay Ka Mur Kar Dekhna.
Karbala, Karbala, Karbala Ab Intehaye Sabar-e-Sarwar Dekhna.
Door Tak Jate Hoye Dekha Kiye Kaisay Hussain.
Thokarein Kha Kha Ke Khud Sanbhala Kiye Kaisay Hussain.
Aye Ali Akbar Zara Pichey Palat Kar Dekhna.
Maa Ke Armano Ki Chadar Ka Amama Sar Pe Hai.
Fatima Sughra Ki Aankhon Ka Ujala Sar Pe Hai.
Bigray Ga Ik Pal Mein Kitno Ka Muqadar Dekhna.
Doosh Par Bikhri Hoi Zulfein Urati Thi Howa.
Bikhri Zulfoon Se Nikharti Ja Rahi Thi Karbala.
Maut Ki Jurat Nahi Thi Aankh Bhar Kar Dekhna.
Uth Raha Hai Gir Raha Hai Aik Pardah Bar Bar.
Umm-e-Laila Ka Yeh Khaima Hai Mere Parwardigar.
Lash Jab Aayi Tu Mar Jaye Gi Madar Dekhna.
Haye Maqtal Ghutniyon Ke Bal Chala Hai Ik Padar.
Kehta Hai Aawaz De Mujh Ko Mere Noor-e-Nazar.
Kho Gayi Binayi Meri Mere Dilbar Dekhna.
Aye Hussain Ibn-e-Ali Jao Na Akbar Ke Qareen.
Zulm Aisa Ho Gaya Hai Taab La Saktay Nahi.
Kya Gawarah Hai Sina Seene Ke Andar Dekhna.
Imtehaan Hai Borhay Kandhoon Ka Jawaan Betay Ki Lash.
Khoon Mein Dobi Kis Tarha Dekhi Gi Maa Betay Ki Lash.
Iss Jagah Aoulad Walo Khud Ko Rakh Kar Dekhna.
Martay Dam Akbar Ko Dar Hai Maa Na Aa Jaye Kahin.
Beh Raha Hai Khoon Mere Seene Se Rangeen Hai Zameen.
Keh Do Amma Se Mujhe Youn Na Tarap Kar Dekhna.
Baba Meri Maa Mere Gham Ko Utha Sakti Nahi.
Neend Aisi Aa Rahi Hai Maa Jaga Sakti Nahi.
Zakhm Mera Maa Ki Nazron Se Bacha Kar Dekhna.
Khon Hota Hai Jigar :REHAN-o-SARWAR: Oss Ghari.
Sochtay Hain Hazrat-e-Shabeer Ki Jab Bekasi.
Baap Ka Ruk Ruk Ke Our Betay Ka Mur Kar Dekhna.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 2002-03:
#WaqteRukhsatBaapKo
#NohayLyrics
#tajpoint
Waqt-e-Rukhsat Baap Ko Nadeem Sarwar
Waqt-e-Rukhsat Baap Ko Nadeem Sarwar Lyrics In Urdu 2003 Write Up Poster Image
