Ya Ali Maula Nadeem Sarwar Lyrics In Urdu 2001
Ya Ali Maula Nadeem Sarwar Lyrics
Dil Mein Saja Ke Rakha Hai.
Har Molai Kehta Hai.
Bigri Bana De Aaye Sawali Koi Na Jaye Khali.
Aaj Ghadeeri Jaam Pila De Aye Waliyon Ke Wali.
Teri Aankhein Mere Maula Sab Ko Dekhney Wali.
Chashm-e-Karam Ne Teri Maula Gham Se Bacha Ke Rakha Hai.
Nagri Nagri Tere Mawali Tere Qalandar Maula.
Dharti Dharti Tere Gadagar Fakhar-e-Tawangar Maula.
Be Zar Tere Dar Par Aa Kar Ho Gaye Abuzar Maula.
Apna Wazeefa Nad-e-Ali Ko Sab Ne Bana Ke Rakha Hai.
Peer Faqeer Malang Mawali Our Qalandar Saein.
Qamber, Meesum, Buzar, Salmaan , Malik-e-Ashtar Saein.
Kartay Rahe Hain Kartay Rahein Gay Haider Haider Saein.
Aaj Bhi Sindh Ne Maula Qadam Ko Sar Pe Utha Ke Rakha Hai.
Tera Narah Sun Kar Mushkil, Mushkil Mein Par Jaye.
Dushman-e-Emaan Dekh Ke Tujh Ko Dharti Mein Garr Jaye.
Lakhon Ke Lashkar Se Maula Tanha Tu Lar Jaye.
Tere Khuda Ne Tujh Ko Apni Taig Bana Ke Rakha Hai.
Tera Ghar Norani Maula Ghar Hai Tera Norani.
Tere Ghar Mein Jo Sorat Hai Sorat Hai Qurani.
Tu Kul-e-Eman Hai Maula Zikar Tera Emani.
Rab Ne Tere Naam Se Apna Naam Mila Ke Rakha Hai.
Tera Sakhi Darbar Hai Maula Sari Dunya Jane.
Koi Khuda Kehta Hai Koi Saqi-e-Kausar Manay.
Koi Nahi Pehchana Tujh Ko Sirf Nabi Pohchane.
Shehar-e-Ilm Ne Tujh Ko Apna Dar Jo Bana Ke Rakha Hai.
Malik-e-Kausar Malik-e-Janat Waris-e-Quraan Ho Ke.
Ik Ik Bond Ko Nehar Kinaray Tere Bachay Tarsay.
Jal Gaye Khaimay Lut Gaya Samaan Chin Gayi Chadar Sar Se.
Dil Ko Tere Karb-o-Bala Ne Haye Dukha Ke Rakha Hai.
Karb-o-Bala Ne Aath Pehar Mein Kya Manzar Dikhlaya.
Fatima Zahra Ne Marqad Mein Ik Pal Chain Na Paya.
Lash Pe Tere Lal Ki Maula Ghoron Ko Doraya.
Naizay Pe Tere Pyaron Ke Sar Ko Utha Ke Rakha Hai.
Rab-e-Zidni Illma Keh Kar Shehar-e-Najaf Mein Aaye.
Hum Ne Tu :REHAN-o-SARWAR: Ilm Ke Moti Paye.
Ya Ali Maula Haider Maula Tujh Se Aas Lagaye.
Shukar-e-Maula Shukar-e-Maula Lab Pe Saja Ke Rakha Hai.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 2000-2001:
#YaAliMaula
#NohayLyrics
#tajpoint
Ya Ali Maula Nadeem Sarwar Lyrics
Ya Ali Maula Nadeem Sarwar Lyrics In Urdu 2001 Write Up Poster Image
