Shabbir Ki Gardan Pe Hai Shamshir Jafa Ki Lyrics 2023
Shabbir Ki Gardan Pe Hai Shamshir Jafa Ki.
Dam Rukta Hai Rukti Nahi Tasbeeh Khuda Ki.
Ik Bazu Kahin Jism Kahin Mashk Kahin Par.
Bikhri Hoi Maqtal Mein Hai Tasveer Wafa Ki.
Khat Fatima Sughra Ka Sunatay Hoye Sheh Ne.
Barchi Ali Akbar Ke Kalejay Se Juda Ki.
Hathoon Se Jidhar Tham Ke Jholay Pe Giri Maa.
Be Sheer Ne Li Aakhri Hichki Jo Qaza Ki.
Malboos Pe Dastar Pe Hathoon Pe Lahu Hai.
Qasim Ne Youn Maqtal Mein Ada Rasam-e-Hina Ki.
Khoon Ban Ke Bahey Jate Hain Aankhon Se Sabhi Bain.
Abid Ko Ijazat Jo Nahi Aah-o-Boka Ki.
Jeene Ko Hawa Ki Bhi Zarorat Nahi Itni.
Zainab Ko Yahan Jitni Zarorat Hai Rida Ki.
Matam Ke Liye Aa Na Sakein Qaid Se Behnein.
Ik Saal Tu Qabron Pe Faqat Khak Udha Ki.
Phir Bad-e-Qaza Rakh Liya Turbat Ke Bahane.
Zindan Ne Masooma Ki Maiyyat Na Raha Ki.
:AKBAR: Yeh Bhi Shabeer Ka Matam Hai Qasam Se.
Hoti Hai Musallon Pe Jo Tasbeeh Khuda Ki.
Poet: :Hasnain Akbar:
#ShabbirKiGardanPe
#NohayLyrics
#tajpoint
Shabbir Ki Gardan Pe Hai Shamshir Jafa Ki Lyrics 2023 Write Up Poster Image
