Farsh E Aza Bichaya Hai Tashreef Laaye Istagasa Bibi Syeda Zahra – Rizwan Zaidi Lyrics In Urdu and Roman Urdu
فرشِ عزا بچھایا ہے تشریف لائیے
Ya Syeda Meri Bhi Tu Qismat Jagaiye.
Farsh-e-Azza Bichaya Hai Tashreef Laiye.
Kar Dijiye Karam Yeh Zara Madar-e-Hussain.
Aa Jaiye Barhey Gi Mere Ghar Ki Zaib-o-Zeen.
Mere Bhi Ghar Ko Noor Ka Markaz Banaiye.
Noha Unhein Sunaein Gay Aankhein Karein Gay Nam.
Pursa Karein Gay BiBi Khadija Ko Paish Hum.
Aye Bibi Apni Maa Ko Bhi Humrah Laiye.
Main Hoon Ghareeb Mera Tu Koi Nahi Yahan.
Yeh Iltija Hai Aap Se Shehzadi-e-Jinna.
Dam Bhar Ko Aa Ke Mera Bhi Rutba Barhaiye.
BiBi Sakina Zainab-o-Kulsoom Sath Hoon.
Laila Hoon Sath Jab Sheh-e-Mazloom Sath Hoon.
Akbar Jawaan Ka Gham Mere Ghar Mein Manaiye.
Suntay Hain Jab Keh Dasht Mein Ik Hashar Tha Ayyaan.
Giriya Kuna Hussain Pe Thin Aap Bhi Wahan.
Maqtal Mein Kya Hussain Pe Guzri Bataiye.
Lasha Para Tha Jis Ka Kabhi Tapti Rait Par.
Oss Be Watan Ka Gham Hi Manaon Main Umar Bhar.
Aye Maa Hussain Ki Meri Himmat Barhaiye.
Woh Markaz-e-Nazar Jisay Kehte Hain Karbala.
Aye Syeda Jahan Pe Hai Roza Hussain Ka.
Har Aik Matami Ko Wahan Bhi Bolaiye.
Karne Ko Hai Zahoor Imam-e-Falak Maqam.
Ab Ho Ga Jald Khon-e-Hussaini Ka Inteqam.
Aye Bibi Ab Tu Hum Ko Khabar Yeh Sunaiye.
:IZHAR: Bhi Hai Aap Ke Dar Par Para Howa.
Our Bibi Kar Raha Hai Musalsal Hi Iltija.
Iss Ko Musibaton Se Ghamo Se Choraiye.
Poet: :Ali Izhar:
Noha Khuwan: :Rizwan Zaidi:
Noha Volume: :Rizwan Zaidi 2023-24:
Compostion: :Rizwan Zaidi:
#IstagasaBibiSyedaZahra
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
