Hussain Wala Rizwan Zaidi, Sajjad Zaidi & Mesum Zaidi Lyrics In Urdu and Roman Urdu
حُسینؑ والا ہر ایک لمحہ حُسینؑ کا غم منا رہا ہے
Hussain Wala Har Aik Lamha Hussain Ka Gham Mana Raha Hai.
Aza-e-Sarwar Hai Farz Iss Par So Farz Apna Nibha Raha Hai.
Koi Bichata Hai Farsh-e-Majlis Fareza Iss Ko Samajh Ke Apna.
Koi Hadees-e-Kisa Ko Parh Kar Karey Hai Aagaz Majlison Ka.
Hai Koi Aisa Keh Roney Walon Mein Ho Raha Hai Shumar Jis Ka.
Hai Koi Aisa Jo Bad-e-Majlis Humein Ziyarat Parha Raha Hai.
Kissi Ne Seekha Hai Farsh-e-Majlis Pe Aa Ke Soz-o-Salam Parhna.
Likha :ANEES:-o-:DABEER: Ne Jo Woh Marsiya Bazm Mein Sunana.
Kissi Ne Seekha Hai Shah-e-Wala Ki Majlison Se Khitab Karna.
Jo Zaib-e-Mimber Howa Hai Woh Hi Wiqar Apna Barha Raha Hai.
Bana Raha Hai Koi Aqeedat Se Taziya Our Zareeh-e-Sarwar.
Woh Iss Amal Se Bata Raha Hai Keh Hai Woh Shah-e-Zaman Ka Nokar.
Saja Raha Hai Koi Tu Parcham Mein Mashk Tashna Labon Ko Ro Kar.
Utha Ke Phir Woh Jari Ka Parcham Wafa Jari Se Nibha Raha Hai.
Kissi Ke Hissay Mein Aaya Nam-e-Hussain Maula Pilana Pani.
Jagah Jagah Par Saja Raha Hai Banam-e-Asghar Sabeel Koi.
Woh Jis Ke Hissay Mein Aayi Rakhwali Zuljana e Sheh-e-Zaman Ki.
Woh Asp e Shah-e-Zaman Saja Kar Naseeb Apna Jaga Raha Hai.
Koi Tu Matam Kuna Hai Pyason Pe Majlison Mein Bana Ke Halqa.
Yeh Paish Zahra Ko Kar Raha Hai Sadaein Matam Se Sheh Ka Pursa.
Kissi Ne Zanjeer Ka Kiya Hai Kissi Ne Matam Kiya Qama Ka.
Jo De Raha Hai Lahu Ka Pursa Jo Khon Apna Baha Raha Hai.
Farishtay Satar Hazar Noha Kuna Hain Qabar-e-Sheh-e-Ummam Par.
Yeh Keh Rahe Hain Keh Haye Shabbir, Haye Abbas, Haye Akbar.
Ossi Bashar Ko Duaein Karb-o-Bala Se Deney Ko Aaye Sarwar.
Jo Roza-e-Dukhtar-e-Ali Ke Difa Mein Jaan Luta Raha Hai.
Koi Tu :IZHAR: Likh Raha Hai Qalam Se Shah-e-Zaman Ke Nohay.
Yeh Likh Ke Nohay Bata Raha Hai Keh Reh Gaye Shah-e-Deen Pyasay.
Rula Raha Hai Koi Jahan Ko Hussain Maula Ka Noha Parh Ke.
Yeh Noha Khuwaan Parh Ke Noha Sab Ko Kahani Gham Ki Suna Raha Hai.
Poet: :Ali Izhar:
Noha Khuwan: :Rizwan Zaidi, Sajjad Zaidi & Mesum Zaidi:
Noha Volume: :Rizwan Zaidi 2023-24:
Compostion: :Rizwan Zaidi:
#HussainWala
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
