Mah E Aza Lo Namodar Hua Mir Qasim Mir Hasan Lyrics Urdu 2024
Mah E Aza Lo Namodar Hua Mir Qasim Mir Hasan
Arsh Ke Taray Hussain, Zahra Ke Pyaray Hussain.
Tum Ho Hamarey Hussain, Hum Hain Tumharey Hussain.
Mah-e-Azza Lo Namodar Howa Ghar Mein Mere Bich Gaya Farsh-e-Azza.
Jan-o-Dil-e-Fatima Badshah e Karbala Ban Gaya Mehmaan Mera.
Falak Pe Jab Se Muharram Ka Chand Nikla Hai.
Hussain Walon Ne Kala Libas Pehna Hai.
Kahin Pe Noha Kahin Par Sada-e-Giriya Hai.
Shah Alaik Salam Aye Mere Bekas Imam Aap Pe Sab Kuch Fida.
Kissi Ke Hath Mein Abbas Ka Alam Hoga.
Koi Uthaye Ga Taboot Ibn-e-Zahra Ka.
Kahin Pe Taziya, Jhola Kahin Se Niklay Ga.
Hogi Qayamat Bapa Roein Gay Ahl-e-Azza Shoor Hai Ashor Ka.
Ghali Ghali Mein Sabeelon Ka Ahtamam Hai Phir.
Dilon Ki Pyas Bhujaney Ka Intezam Hai Phir.
Kahin Pe Zahra Ka Jari Labon Pe Naam Hai Phir.
Aa Ke Sabeelon Ke Pas Jo Bhi Bhojata Hai Pyas Deta Hai Dil Se Sada.
Mujrai Jab Keh Ayyaan Mah-e-Azza Hota Hai.
Arsh Par Matam-e-Shah-e-Shohda Hota Hai(MIR ANEES).
Har Anjuman Mein Hai Seena Zani Ki Teyari.
Haye Aik Naam Hai Sab Ki Zaban Par Jari.
Qadeem Tarz Pe Hoti Hai Phir Azadari.
Taziya Khane Khulay Matami Shaney Khulay Hota Hai Matam Bapa.
Be Abi Anta Wa Ummi Ya Hussain.
Kehta Hai Har Dil Yehi Hoon Mere Maa Baap Bhi Aap Pe Maula Fida.
Tabarkaat Ke Sandooq Laye Jate Hain.
Alam Pe Patkay Phareray Sajay Jate Hain.
Sabeelein Lagti Hain Saqqay Banaye Jate Hain.
Le Ke Shaheedon Ke Naam Bhartay Hain Pani Ke Jaam Detey Hain Pyasay Dua.
Karo Hussain Ka Matam Karo Azadari.
Furat Aankhon Se Jari Ho Aisay Ashkon Ki.
Keh Khali Hath Na Jaye Rasool Ki Beti.
Hath Mein Romal Hai Maa Ka Ajab Haal Hai Deti Hain BiBi Dua.
Alam Pe Mashk-e-Sakina Saja Ke Rotay Hain.
Kissi Ko Dhop Mein Pani Pila Ke Rotay Hain.
Kabhi Kissi Ko Tabaruk Khila Ke Rotay Hain.
Naam Idhar Aa Gaya Syed e Mazloom Ka Aankh Se Darya Baha.
Hoye Hain Khalq :TAKALLUM: Hum Iss Azza Ke Liye.
Hamari Qaum Ke Bachay Ghulam Asghar Ke.
Jawan Sab Ali Akbar Ke Naam Par Sadqay.
Taba Zahoor-e-Imam Roein Gay Yeh Khas-o-Aam Wadah Hai Iss Qaum Ka.
Poet: :Mir Takallum Mir:
Noha Khuwan: :Mir Hasan Mir:
Noha Khuwan: :Mir Qasim Mir:
Noha Volume: :Mir Hasan Mir 2024-25:
Composition: :Raza Shah:
#MahEAza
#NohayLyrics
#tajpoint
New Noha 2024 Mah E Aza Lo Namodar Hua Mir Qasim Mir
Mir Hasan Mir New Kalam Mah E Aza Lo Namodar Hua Mir Qasim Mir
Mah E Aza Lo Namodar Hua Mir Qasim Mir Hasan Lyrics Urdu 2024 Write Up Poster Image
