Maa Kaisay Bholaye Ge Chehra Ali Akber Lyrics 2023
Maa Kaisay Bholaye Ge Chehra Ali Akber Syed Ali Naqvi
Maa Kaisay Bhulaye Gi Chehra Ali Akbar Ka.
Yaad Aaye Ga Laila Ko Seena Ali Akbar Ka.
Jab Ayeriyaan Ragrein Thin Shabeer Ne Dekha Tha.
Maa Dekh Rahi Thi Jab Woh Hichkiyaan Leta Tha.
Our Dekha Tha Zainab Ne Girna Ali Akbar Ka.
Manzar Woh Qayamat Ka Bholay Gi Nahi Laila.
Jab Laut Ke Maqtal Se Aaye They Sheh-e-Wala.
Tha Baap Ke Hathoon Par Lasha Ali Akbar Ka.
Jis Dam Ali Akbar Ke Marne Ki Khabar Payi.
Shabeer Se Ro Ro Ke Zainab Ne Kaha Bhai.
Main Seh Nahi Paon Gi Sadma Ali Akbar Ka.
Kis Tarha Khuda Jane Yeh Baap Ne Dekha Tha.
Betay Ke Kalejay Mein Toota Howa Naiza Tha.
Zakhmi Tha Bohat Ran Mein Seena Ali Akbar Ka.
Sarwar Ne Kaha Laila Woh Chor Ke Na Jata.
Maa Baap Ka Gham Kiya Hai Akbar Ko Samajh Aata.
Maqtal Mein Agar Hota Beta Ali Akbar Ka.
Haan Koi Jawaan Sar Pe Jab Sehra Sajay Ga.
Yaad Aaye Ga Laila Ko Atharah Baras Wala.
Ab Jeene Nahi De Ga Jana Ali Akbar Ka.
Sughra Ne Suna Hoga :ZEESHAN:-o-:ALI: Kaisay.
Jab Maa Ne Kaha Hoga Sughra Se Watan Ja Ke.
Hay Mar Gaya Hum Ko Marna Ali Akbar Ka.
Poet: :Zeeshan Abidi:
Noha Khuwan: :Syed Ali Naqvi:
Noha Volum: :Syed Ali Naqvi 2023-24:
Composition: :Zeeshan Abidi:
#MaaKaisayBholayeGe
#NohayLyrics
#tajpoint
Maa Kaisay Bholaye Ge Chehra Ali Akber Lyrics 2023 Write Up Poster Image
