Baap Se Batain Karo Akber Mir Hasan Mir Lyrics Urdu 2024
Baap Se Batain Karo Akber Mir Hasan Mir.
Jawan Lal Ko Maqtal Se Jab Utha Ke Chaley.
Hussain Rotay Rahe Our Pisar Se Kehte Rahe.
Khamosh Na Ho Baap Se Batein Karo Akbar.
Hum Tum Ko Mila Dein Gay Phophi Jan Se Ja Kar.
Aye Lal Kalejay Mein Abhi Dard Tu Hoga.
Nikla Hai Lahu Itna Badan Sard Tu Hoga.
Tum Chup Ho Tu Chalte Hain Mere Qalb Pe Khanjar.
Qadmo Ki Taraf Se Hain Uthaye Hoye Baba.
Our Sar Ki Taraf Se Hain Sanbhalay Hoye Zahra.
Aankhon Ko Zara Khol Ke Dekho Tu Yeh Manzar.
Tum Khon Ugaltay Ho Tu Bhar Jata Hai Chulo.
Batlao Karein Zabt Kahan Tak Mere Aanso.
Beta Nikal Aaye Ga Kaleja Mera Bahir.
Darya Pe Gaye Hoon Gay Jo Lartay Hoye Beta.
Jaldi Se Batao Mera Phatta Hai Kaleja.
Kis Haal Mein Hai Lasha-e-Abbas-e-Dilawar.
Tum Khud Bhi Samajhtay Ho Yeh Majbori Meri Hai.
Aahista Jo Chalta Hoon Kamar Tooti Hoi Hai.
Thora Sa Safar Baqi Hai Himmat Karo Dilbar.
Beta Humein Maidan Ki Rodad Sunao.
Kya Haal Hai Ab Pyas Ka Baba Ko Batao.
Angothi Dahan Se Kyun Nikal Aayi Hai Bahir.
Mathay Se Paseena Tu Abhi Saaf Kiya Hai.
Kya Zakhm Ki Takleef Ne Munh Khol Diya Hai.
Sansein Kyun Meri Jan Nahi Aatin Barabar.
Sheh Bolay :TAKALLUM: Ke Utho Aa Gaya Khaima.
Seene Se Zara Hath Hata Lo Mere Beta.
Iss Haal Mein Dekhey Gi Tu Mar Jaye Gi Madar.
Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2024-25:
Composition: :Raza Shah:
#BaapSeBatainKaroAkber
#NohayLyrics
#tajpoint
Baap Se Batain Karo Akber Mir Hasan Mir Lyrics Urdu 2024 Write Up Poster Image
