Maqtale Bibi Sakina Jaab Hogaye Tamam Saleem Mastan Wa Bradran Lyrics In Urdu and Roman Urdu
مقتلِ بی بی سکینہؑ
Jab Ho Gaye Tamam Madadgar e Haq Shaheed.
Sham-e-Ghareebaan Chayi Andhera Howa Shadeed.
Khaimay Jalanay Aa Gaye Sab Hami e Yazid.
Ik Bachi Chahti Thi Keh Baba Ki Kar Loon Deed.
Sehmey Hoye Woh Khaimon Se Dar Kar Nikal Gayi.
Baba Ko Dhondne Soye Maqtal Woh Chal Pari.
Maqtal Mein Di Sadaein Keh Baba Kahan Ho Tum.
Baba Jala Diya Gaya Khaima Kahan Ho Tum.
Aayi Hai Tum Se Milney Sakina Kahan Ho Tum.
Aawaz Do Keh Kuch Nahi Dikhta Kahan Ho Tum.
Beti Ke Bain Sun Keh Woh Baba Ne Ki Fogaan.
Be Sar Ki Lash Ne Kaha Beti Hoon Main Yahan.
Beti Ne Apne Baba Ki Aawaz Jab Suni.
Lash-e-Padar Ke Pas Sakina Pohanch Gayi.
Rotay Hoye Hussain Ke Lashay Pe Gir Gayi.
Baba Ki Zakhmi Lash Se Beti Lipat Gayi.
Faryad Ki Keh Jal Gaya Kurta Tumhare Baad.
Mar Jaye Gi Tumhari Sakina Tumhare Baad.
Baba Zameen Surkh Hai Our Surkh Aasmaan.
Zalim Ne Mere Kano Se Cheeni Hain Baliyaan.
Dekhon Na Mere Kano Se Ab Tak Hai Khoon Rawaan.
Asghar Bhi Qatal Ho Gaya Tanha Hoi Hai Maa.
Baba Batao Mujh Ko Ke Main Kya Karon Gi Ab.
Iss Kamsini Mein Tanha Main Kaisay Rahon Gi Ab.
Maqtal Mein Baba Lashay Hain Bikhrey Paray Hoye.
Tere Mojahedin Ne Kitne Sitam Sahey.
Seene Pe Teer Bhalay Hain Our Sar Katay Hoye.
Kis Tarha Sare Lashay Hi Pamal Ho Gaye.
Lashon Pe Baba Jan Gayi Jab Meri Nazar.
Dil Baithne Laga Mera Lagne Laga Hai Dar.
Akbar Kahan Hai Baba Batao Na Tum Mujhe.
Lasha Kahan Hai Oss Ka Batao Na Tum Mujhe.
Pochay Gi Mujh Se Sughra Batao Na Tum Mujhe.
Kaisay Gaya Woh Mara Batao Na Tum Mujhe.
Dhondongi Oss Ko Kaisay Main Lashon Ke Darmiyaan.
Main Ne Suna Hai Seene Mein Oss Ke Lagi Sina.
Baba Batao Na Mera Bhaiyya Kahan Gaya.
Mera Ghareeb Ghutniyon Wala Kahan Gaya.
Baba Woh Teen Roz Ka Pyasa Kahan Gaya.
Zalim Ne Jis Ko Teeron Se Mara Kahan Gaya.
Woh Mar Gaya Hai Oss Ka Tu Jhola Bhi Jal Gaya.
Baba Batao Dafan Ossay Hai Kahan Kiya.
Mashkeza Mujh Se Le Ke Gaye They Merey Chacha.
Mujh Se Kaha Tha Darya Se Pani Main Laon Ga.
Baba Mujhe Bataiye Aisa Bhi Kya Howa.
Baba Bataein Kaisay Woh Mashkeza Chid Gaya.
Kis Tarha Unn Ko Teer Lagay Bazu Kat Gaye.
Kaisay Beghair Hathoon Ke Woh Zeen Se Girey.
Karb-o-Bala Ka Dasht, Andhera Tha Chaar So.
Bachi Lipat Ke Karti Thi Baba Se Guftgu.
Baba Ka Dard Kam Ho Yeh Thi Oss Ki Aarzu.
Haye Sitam Keh Aa Gaye Maqtal Mein Phir Addo.
Zalim Ne Oss Yateema Pe Zulm-o-Jafa Kiya.
Zulfein Pakar Ke Lash-e-Padar Se Juda Kiya.
Poet: :Syed Aimaad Naqvi:
Soz Khuwan: :Saleem Mastan Wa Bradran:
Noha Volume: :Saleem Mastan 2023-24:
#MaqtaleBibiSakina
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
