Karbala Ki Maon Ki Ghurbat Saleem Mastan Wa Bradran Lyrics Urdu 2025
Karbala Ki Maon Ki Ghurbat Saleem Mastan Wa Bradran.
Unn Par Salam Aaein Thin Maein Jo Karbala.
Kitni Bulandiyon Pe Tha Unn Sab Ka Hosla.
Janat Se Dekha Our Kaha Hawa Ne Marhaba.
Nam-e-Hussain Beton Ko Qurban Kar Diya.
Tha Ayhteram Fatima Zahra Ke Chain Ka.
Bachoon Ko Sab Ne Kar Diya Sadqa Hussain Ka.
Tha Kis Qadar Shadeed Woh Laila Ka Imtehaan.
Atharah Saal Paal Kar Akbar Kiya Jawaan.
Dekha Jab Oss Ne Ran Mein Hain Sarwar Pe Sakhtiyaan.
Betay Se Boli Baba Pe Qurban Kar Do Jaan.
Sehra Ossay Sajane Ka Arman Mar Gaya.
Seene Mein Jab Jawan Ke Neza Utar Gaya.
Qasim Ki Maa Thi Dasht Mein Shabar Ki Naiba.
Betay Se Bolein Aye Marey Nosha Suno Zara.
Jao Keh Ammo Jan Pe Tum Kar Do Jaan Fida.
Farwa Ne Apne Lal Ko Teyar Kar Diya.
Kuch Lamhon Baad Gir Gayin Gash Se Zameen Par.
Betay Ka Lasha Choti Se Gathri Mein Dekh Kar.
Haq Se Ajab Hi Hosla Paya Rubab Ne.
Marne Ke Wastay Ossay Bhaija Sanwar Ke.
Betay Ne Jab Laga Liya Ik Teer Ko Galay.
Asghar Ko Gaud Mein Liya Bosay Diye Ossay.
Hathoon Mein Khud Uthai Hai Noor-e-Nazar Ki Lash.
Sarwar Ke Sath Dafan Ki Nanhay Pisar Ki Lash.
Ik Chaar Sala Beti Sakina, Rubab Ki.
Ro Ro Ke Jo Hussain Pe Zindaan Mein So Gayi.
Yani Rubab Aik Safar Mein Ujar Gayi.
Saye Mein Oss Ke Baad Woh Bethi Nahi Kabhi.
Jari Rakha Hussain Ka Matam Rubab Ne.
Har Eid Par Manaya Hai Bas Gham Rubab Ne.
Gham Hai :AIMAAD:, Aoun-o-Muhammad Ki Maa Ka Gham.
Karb-o-Bala Se Sham Jo Sehti Rahi Sitam.
Beton Ke Gham Mein Aankhon Ko Apni Kiya Na Nam.
Bhai Ke Gham Ko Rakha Hai Bas Sab Se Mohtaram.
Akbar Ke Gham Mein Chain Se Soyi Nahi Kabhi.
Beton Ke Gham Mein Bibi Woh Roi Nahi Kabhi.
Poet: :Syed Aimaad Naqvi:
Soz Khuwan: :Saleem Mastan Wa Bradran:
Noha Volume: :Saleem Mastan 2025-26:
#KarbalaKiMaon
#NohayLyrics
#tajpoint
New SOZ Karbala Ki Maon Ki Ghurbat Saleem Mastan
Karbala Ki Maon Ki Ghurbat Saleem Mastan Wa Bradran Lyrics Urdu 2025 Write Up Poster Image
