Main Zainab Hoon Mesum Abbas Lyrics In Urdu 2023
مَیں زینبؑ ہوں
Logo Main Ali Ki Beti Hoon.
Konain Ki Main Shehzadi Hoon.
Main Zainab Hoon, Main Zainab Hoon.
Be Chadar Hoon Our Qaidi Hoon.
Bazar Mein Ro Kar Kehti Hoon.
Main Zainab Hoon, Main Zainab Hoon.
Kis Shan Se Nikli Thi Ghar Se.
Iss Gham Ne Rulaya Tha Mujh Ko.
Bazu Se Pakar Kar Ghazi Ne.
Mehmal Mein Bithaya Tha Mujh Ko.
Woh Manzar Soch Ke Roti Hoon.
Hairan Main Khud Par Hoti Hoon.
Jab Qafila Oss Ke Ghar Pohancha.
Shereen Ne Mujhe Pehchana Nahi.
Qadmo Se Lipat Kar Roney Lagi.
Jab Main Ne Kaha Kyun Jana Nahi.
Pardais Mein Lut Kar Aayi Hoon.
Pehchan Main Aaqa Zadi Hoon.
Jis Waqt Sar-e-Muslim Dekha.
Sajjad Ke Lab Par Tha Noha.
Pehle Tu Salami Di Main Ne.
Phir Rotay Hoye Muslim Se Kaha.
Qismat Ki Rasan Mein Jakri Hoon.
Aankhon Se Salami Deti Hoon.
Humrah Kaneezon Ke Ik Din.
Zindan-e-Sitam Mein Hind Aayi.
Zainab Se Kaha Jab Kaun Hai Tu.
Zainab Yeh Sukhan Lab Par Layi.
Main Ranj-o-Alam Ki Mari Hoon.
Our Shair-e-Khuda Ki Beti Hoon.
Zindaan Se Raha Ho Kar Qaidi.
Jab Karb-o-Bala Mein Aaye They.
Bhai Ki Lehad Par Jate Hi.
Youn Bain Kiye They Zainab Ne.
Kuch Neel Rasan Ke Layi Hoon.
Tera Chehlum Karne Aayi Hoon.
Sajjad Se Kehti Thi Ro Kar.
Darbar Mein Kis Tarha Jaon.
Main Sharam-o-Haya Ki Shehzadi.
Aye Kash Zameen Mein Garr Jaon.
Mujrim Ki Tarha Se Chalti Hoon.
Khaliq Se Duhai Deti Hoon.
Atharah Baradar They Jis Ke.
Woh Bibi Rida Ko Roti Hai.
Woh Zakhm Deiye Hain Ummat Ne.
Marham Ko Dawa Ko Roti Hai.
Har Kalma Go Se Kehti Hoon.
Kyun Aaj Rida Ko Tarasti Hoon.
Pohanchay Jo Madine Ahl-e-Haram.
Tha :MEESUM:-o-:MAZHAR: Hashar Bapa.
Sughra Se Kaha Shehzadi Ne.
Chehray Pe Merey Kar Ghoor Zara.
Zindaan Se Chut Kar Aayi Hoon.
Baloon Mein Safaidi Layi Hoon.
Poet: :Mazhar Abidi:
Noha Khuwan: :Mesum Abbas:
Noha Volume: :Mesum Abbas 2023-24:
Composition: :Mesum Abbas:
#MainZainabHoon
#NohayLyrics
#tajpoint
