Jo Sab Ke De Shifa Osse Bemar Kyun Likhon Lyrics In Urdu 2023
Jo Sab Ke De Shifa Osse Bemar Kyun Likhon.
Zindaan Shikan Jari Ko Giraftar Kyun Likhon.
Jis Ki Jabeen Se Payi Hai Sajdoon Ne Aabro.
Oss Ke Harees e Mansab-o-Dastar Kyun Likhon.
Nuskhay Shifa Ke Jis Se Maseeha Talab Karein.
Oss Ko Bhala Main Sahib-e-Aazar Kyun Likhon.
Woh Husan Tha Keh Jis Ka Kharedar Tha Khuda.
Phir Qisa e Zulaikha-o-Bazar Kyun Likhon.
Yeh Qaid-o-Band Tu Hai Wirasat Imam Ki.
Woh Kis Liye Gaye Pas-e-Dewar Kyun Likhon.
Woh Jis Se Zakhm Hotey Hoon Taza Imam Ke.
Main Zikar-e-Sham Qisa e Darbar Kyun Likhon.
Mere Qalam Pe Qarz Hai Midhat-e-Imam Ki.
Hai Zikar-e-Noor Tazkira e Naar Kyun Likhon.
Jab Inn Ke Jad Ko Kehti Hai Dunya Abu Turab.
Munkir Ko Inn Ke Rait Ki Dewar Kyun Likhon.
Jin Ke Liye Kamai Ka Zariya Hoon Majlisein.
Maula Ka Apne Unn Ko Azadar Kyun Likhon.
Hum Nam-e-Murtaza Hain Laqab Sajideen Hai.
Inn Ko Naheef-o-Bekas-o-La Char Kyun Likhon.
:REHAN: Inn Ki Shan Mein Likhon Tamam Umar.
Ashar Inn Ki Shan Mein Do Chaar Kyun Likhon.
Poet: :Rehan Azmi:
#JoSabKeDeShifa
#ManqabatLyrics
#tajpoint
Jo Sab Ke De Shifa Osse Bemar Kyun Likhon Lyrics In Urdu 2023 Write Up Poster Image
