Mere Mola Main Likhon Teri Fazeelat Kaisay Lyrics In Urdu 2003
Mere Mola Main Likhon Teri Fazeelat Kaisay.
Bara Mushkil Teri Midhat Ka Safar Lagta Hai.
Loag Keh Dein Na Nuseri Yehi Dar Lagta Hai.
Teri Chokhat Pe Sitarey Ne Salami Di Hai.
Tere Bachoon Ki Farishton Ne Ghulami Ki Hai.
Kul-e-Eman Hai Jibreel Ka Ustad Hai Tu.
Had Hai Konain Ke Sardar Ka Damad Hai Tu.
Ya Ali Tere Taruf Mein Koi Kya Bolay.
Teri Thokar Ka Ishara Ho Tu Murdah Bolay.
Aik Hi Waqt Mein Chalees Jagah Par Mojood.
Har Nafas Tujh Mein Jhalaktay Hain Sifat-e-Mabood.
Chand Soraj Bhi Samajhtay Hain Ishara Tera.
Zindagi Kya Hai Ajal Par Bhi Hai Qabza Tera.
Ya Ali Deen-e-Payamber Ka Nigehban Hai Tu.
Jis Pe ALLAH Ka Dhoka Ho Woh Insan Hai Tu.
Putla Aadam Ka Banaya Hai Tere Hathoon Ne.
Naqshay Konain Tarasha Hai Tere Hathoon Ne.
Sochta Hoon Keh Nuseri Ki Khata Hi Kya Hai.
Jab Ke ALLAH Ka Chehra Bhi Tera Chehra Hai.
Khud Diya Nehj-e-Balaga Mein Jo Khutba Tu Ne.
Oss Se Lagta Hai Banai Hai Yeh Dunya Tu Ne.
Taig Se Karta Hai Jismo Pe Kasheda Kari.
Tere Har Waar Pe Hoti Hai Shujat Wari.
Sar-e-Maidaan Bhi Adalat Ko Nibhaya Tu Ne.
Taig Ko Adal Ki Meezan Banaya Tu Ne.
Teri Har Zarb Se Insaf Ke Johar Nikley.
Jitnay Tukray Kiye Aapas Mein Barabar Nikley.
Tu Ali Pehla Wasi Pehla Wali Pehla Imam.
Tu Jali Noor-e-Wafa Noor-e-Yaqeen Noor-e-Pyam.
Tu Haseen Husan-e-Biyaan Husan-e-Amal Husan-e-Kalam.
Tu Jarri Tera Alam Tera Qalam Teri Husam.
Samne Tere Kahan Koi Addo Bolta Hai.
Teri Rag Rag Mein Shujat Ka Lahu Bolta Hai.
Janat-o-Kausar-o-Tasneem-o-Iram Tere Hain.
Had Yeh Hai Dosh-e-Risalat Pe Qadam Tere Hain.
Iltija Yeh Hai Keh Hasnain Ka Sadqa De De.
Apne Madahoon Ko Midhat Ka Saleeqa De De.
Guftgu Karne Ke Aadab Sikha De Maula.
Mere Har Lafz Ko Nayab Bana De Maula.
Poet: :Nayab Hallauri:
Manqabat Khuwan: :Mir Hasan Mir:
Manqabat Volume: :Mir Hasan Mir 2003-04:
#MereMola
#ManqabatLyrics
#tajpoint
Old Manqabat Mere Mola Main Likhon Teri Fazeelat
Mere Mola Main Likhon Teri Fazeelat Kaisay Lyrics In Urdu 2003 Write Up Poster Image
