Gala Bhai Ka Mere Samne Katta Raha Amma Lyrics 2024
Gala Bhai Ka Mere Samne Katta Raha Amma Muhammad Raza Mungla.
Haye Hussain Haye Hussain, Haye Hussain Haye Hussain.
Gala Bhai Ka Mere Samne Katta Raha Amma.
Main Roti Reh Gayi Khanjar Magar Chalta Raha Amma.
Laeen Ko Dekha Jab Main Ne Hai Pusht-e-Shah Par Betha.
Pukara Main Ne Kar Kuch Reham Pyasa Hai Nabi Zadah.
Pakar Kar Sheh Ko Zulfoon Se Laeen Hansta Raha Amma.
Ragein Thin Khushk Lekin Zair-e-Lab Woh Kuch Tu Parhta Tha.
Yeh Manzar Dekha Jab Main Ne Tu Mera Dil Yeh Kehta Tha.
Keh Shayad Yaad Woh Abbas Ko Karta Raha Amma.
Sitamgar Har Taraf Maidan Mein Khushiyaan Manatay They.
Chalein Surkh Aandhiyaan Bhi Our Badil Gham Ke Chaye They.
Pakar Kar Zulfein Bhai Ki Laeen Chalta Raha Amma.
Main Khaimay Se Nikal Kar Jab Sar-e-Dasht-e-Bala Aayi.
Tah-e-Khanjar Jo Maqtal Mein Nazar Aaya Mujhe Bhai.
Wahan Oss Dasht Mein Dil Mera Ghabrata Raha Amma.
Biyaan Kaisay Karon Tum Se Jo Main Ne Dekha Tha Manzar.
Rawaan Tha Kund Khanjar Haye Mere Pyasay Bhai Par.
Na Aa Jaye Sakina Yeh Khiyal Aata Raha Amma.
Ajab Ik Aas Thi Bhai Ki Aankhon Mein Dam-e-Aakhir.
Woh Kehna Chahta Tha Kuch Yehi Aankhon Se Tha Zahir.
Main Oss Ko Dekhti Thi Woh Mujhe Takta Raha Amma.
:AIMAAD: Oss Waqt Yasrab Ki Zameen Mein Zalzala Aaya.
Jo Qabar-e-Fatima Zahra Pe Zainab Ne Yeh Farmaya.
Mere Hi Samne Bhai Mera Marta Raha Amma.
Poet: :Syed Aimaad Naqvi:
Noha Khuwan: :Muhammad Raza Mungla:
Noha Volume: :Muhammad Raza Mungla 2024-25:
Composition: :Raza Shah:
#GalaBhaiKa
#NohayLyrics
#tajpoint
Gala Bhai Ka Mere Samne Katta Raha Amma Lyrics 2024 Write Up Poster Image
