Amma Bar Bar Gala Mera Dukhta Hai Nadeem Sarwar Lyrics 1998
Amma Bar Bar Gala Mera Dukhta Hai Nadeem Sarwar.
Zindan-e-Sham Mein Jahan Bibi Ka Hai Mazar.
Raton Ko Dheemi Dheemi Si Aati Hai Ik Pukar.
Kano Se Mere Khon Abhi Bhi Tapakta Hai.
Amma Bar Bar Galla Mera Dukhta Hai.
Uthtin Hain Jab Bhi Aap Mera Sans Rukta Hai.
Soyi Nahi Hoon Sham-e-Ghareebaan Ke Baad Main.
Ab Kya Jiyon Gi Sham Ke Zindaan Ke Baad Main.
Be Aas Ab Hoon Shah-e-Shaheedan Ke Baad Main.
Saya Ajal Ka Amma Mere Sath Chalta Hai.
Kano Ka Khon Aankhon Ke Aanso Se Mil Gaya.
Har Zakhm Phool Ban Ke Badan Par Hai Khil Gaya.
Baba Ko Dhond Lao Keh Seene Se Dil Gaya.
Be Jan Mere Jism Mein Kyun Dil Dharkta Hai.
Aye Amma Jab Se Baba Se Main Door Ho Gayi.
Yeh Zindagi Mere Liye Na Soor Ho Gayi.
Par Kya Karon Naseeb Se Majboor Ho Gayi.
Hijar-e-Padar Se Seene Mein Ik Dard Uthta Hai.
Kantay Paray Hain Halq Mein Aye Amma Pyas Se.
Darti Hoon Jhonka Guzrey Howa Ka Jo Pas Se.
Neend Urr Gayi Hai Aankhon Se Khof-o-Hiraas Se.
Roney Pe Mere Shimar-e-Laeen Kyun Jhirakta Hai.
Asghar Ke Baad Pani Piyon Main Nahi Nahi.
Ammo Ke Baad Zindah Rahon Main Nahi Nahi.
Faryad Kuch Shaqi Se Karon Main Nahi Nahi.
Pani Mein Aks-e-Chehra-e-Asghar Jhalakta Hai.
Lagta Hai Qaid-e-Jaan Se Rehai Qareeb Hai.
Aye Amma Jano Tum Se Rehai Qareeb Hai.
Ab Maut Mujh Ko Qabar Ke Layi Qareeb Hai.
Daman Tu Jal Chuka Hai Mera Dil Solagta Hai.
Konain Mein Yeh Kaisa Hai Qanon Pochiye.
Marne Ke Baad Mujh Ko Rehai Nahi Miley.
Yeh Kaisi Qaid Hai Keh Lehad Bhi Yahin Banay.
Qaidi Kabhi Tu Qaid Se Ghar Ko Palatta Hai.
Amma Rehai Pa Ke Watan Tum Tu Jao Gi.
Sughra Meri Behan Ko Galay Se Lagao Gi.
Pochay Gi Jab Mujhe Tu Ossay Kya Batao Gi.
Reh Reh Ke Ik Sawal Mere Dil Mein Uthta Hai.
Jao Nadeem :SARWAR-o-REHAN: Aik Bar.
Zindan-e-Sham Mein Jahan Bibi Ka Hai Mazar.
Raton Ko Dheemi Dheemi Si Aati Hai Yeh Pukar.
Kano Se Mere Khon Abhi Bhi Tapakta Hai.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 1997-98:
#AmmaBarBarGala
#NohayLyrics
#tajpoint
Old Noha Amma Bar Bar Gala Mera Dukhta Hai
