Amma Tera Laal Hai Tanha Azadar e Batool Lyrics Urdu 2024
Amma Tera Laal Hai Tanha Azadar e Batool
Sheh Kehte They Maqtal Mein Chali Aaein Jo Zahra Amma Tera Lal Hai Tanha.
Zalim Yeh Mujhe Detey Hain Tanhai Ka Tana Amma Tera Lal Hai Tanha.
Arman Kayi Dil Mein They Jo Toot Gaye Hain.
Jitnay Bhi Saharey They Mere Choot Gaye Hain.
Abid Ka Hai Ya Behno Ka Hai Mujh Ko Sahara Amma Tera Lal Hai Tanha.
Hal Min Ki Sada Suntay Hi Woh Ho Gayin Be Chain.
Betay Ki Ghareebi Pe Kiye Zahra Ne Tab Bain.
Tanhai Ke Aalam Mein Jo Mazloom Pukara Amma Tera Lal Hai Tanha.
Aye Maa Zara Tum Hosla Betay Ka Barha Do.
Talwar Chalata Hoon Main Tum Mujh Ko Dua Do.
Abbas Ke Qatil Se Mujhe Lena Hai Badlah Amma Tera Lal Hai Tanha.
Har Simt Se Be Kas Pe Laeen Toot Paray Hain.
Lekin Jo Mere Dil Mein Hain Woh Zakhm Barey Hain.
Kuch Dair Mein Yeh Zakhmi Hai Dam Torne Wala Amma Tera Lal Hai Tanha.
Ab Pyas Ki Shiddat Mujhe Tarpaney Lagi Hai.
Thandak Teri Aagosh Ki Yaad Aane Lagi Hai.
Aa Kar Dam-e-Aakhir Mujhe Seene Se Lagana Amma Tera Lal Hai Tanha.
Main Pyaron Ke Lashon Ko Uthata Raha Din Bhar.
Koi Nahi Jo Lash Uthaye Meri Aa Kar.
Gir Jaon Main Jab Zeen Se Tum Mujh Ko Uthana Amma Tera Lal Hai Tanha.
Shehzada Tera Maut Se Kab Darta Hai Amma.
Par Iss Tarha Ghurbat Mein Koi Marta Hai Amma.
Qatil Yeh Mere Lotein Gay Mil Kar Mera Lasha Amma Tera Lal Hai Tanha.
Abbas Hain Akbar Hain Na Qasim Hain Jo Aate.
Asghar Ki Lehad Aa Ke Mere Sath Banatay.
Sheh Roye Uthatay Hoye Asghar Ka Janaza Amma Tera Lal Hai Tanha.
Sar Khak Bhara Peet Ke Kulsoom Thi Roti.
Maqtal Ki Taraf Dekh Ke Zainab Thi Tarapti.
Rukh Kar Ke Baqiya Ka Jo Kehti Thi Sakina Amma Tera Lal Hai Tanha.
Shabbir Ki Gardan Pe :ASAD: Chal Gaya Khanjar.
Our Dekhti Hi Reh Ke Gayin Shabbir Ki Madar.
Our Gonjti Hi Reh Gayi Yeh Pyasay Ki Sada Amma Tera Lal Hai Tanha.
Poet: :Asad Ali Asad:
Noha Khuwan: :Azadar e Batool:
Noha Volume: :Azadar e Batool 2024-25:
Composition: :Mesum Zaidi:
#AmmaTeraLaalHaiTanha
#NohayLyrics
#tajpoint
Noha 2024 Amma Tera Laal Hai Tanha Azadar e Batool
New Noha Amma Tera Laal Hai Tanha Azadar e Batool
Amma Tera Laal Hai Tanha Azadar e Batool Lyrics Urdu 2024 Write Up Poster Image
