Haye Haye Rasool Zadi Ko Ummat Ne Sataya Lyrics Urdu 2024
Haye Haye Rasool Zadi Ko Ummat Ne Sataya.
Hay Hay Rasool Zadi Ko Ummat Ne Sataya.
Jis Dar Pe Nabi Aate They Oss Dar Ko Jalaya.
Pehlu Shikasta Ho Gaya, Mohsin Hoye Shaheed.
Zalim Ne Choob e Taig Se Woh Zakhm Lagaya.
Ahmad Ke Janeshen Ko Shehar-e-Rasool Mein.
Gardan Mein Rasan Bandh Ke Darbar Bulaya.
Ashab Bhi Khamosh Rahe Zulm-o-Sitam Par.
Aqwal-e-Muhammad Ko Bohat Jald Bhulaya.
Sab Bugz Ayyaan Ho Gaya Hashim Ki Aal Se.
Tareekh Ne Sab Chehron Se Youn Pardah Uthaya.
Faryad Bibi Karti Thin Baba Se Roz-o-Shab.
Baad Aap Ki Ummat Ne Bohat Dil Hai Dukhaya.
Din Ko Siyah Kar Dein Musayab Woh Paray Hain.
Yeh Ajar Baba Aap Ki Ummat Se Hai Paya.
Roney Bhi Nahi Detey Aziyat Bhi Hain Detey.
Dil Uth Gaya Jahan Se Ab Mera Khudaya.
Ranj-o-Alam Utha Ke Safar Kar Gayin Zahra.
Mamta Ka Aaj Bachoon Ke Sar Se Utha Saya.
Giriya Kuna Hain Betiyan, Sab Betay Hain Nidhal.
Daag-e-Judai Madar-e-Dilgeer Hai Paya.
Kuhram Bapa Ho Gaya Jab Bait-e-Ali Mein.
Hasnain Ne Amma Ke Janazay Ko Uthaya.
Tareek Shab Mein Le Ke Baqiya Chaley Ali.
Phir Qabar-e-Syeda Ke Nishaan Ko Bhi Mitaya.
Aagaz Jo Howa Tha :NAJAM: Ghar Se Ali Ke.
Aal-e-Nabi Ne Dehar Mein Phir Chain Na Paya.
Poet: :Arsalan Rizvi Najam:
#HayeHayeRasoolZadi
#NohayLyrics
#tajpoint
Haye Haye Rasool Zadi Ko Ummat Ne Sataya Lyrics Urdu 2024 Write Up Poster Image
