Kitna Haseen Hai Mera Hussain Syed Raza Abbas Zaidi Lyrics Urdu 2025

Kitna Haseen Hai Mera Hussain Syed Raza Abbas Zaidi.

Kehti Thin Zahra Dekh Ke Chehra, Kitna Haseen Hai Mera Hussain.
Tum Meri Jaan Hoon Sadqay Yeh Maa Ho Tum Pe Husan Bhi Fida Hussain.

Ban Ke Aaya Hai Mera Noor-e-Nazar Tu.
Iss Liye Aankhon Mein Hain Khushi Ke Aanso.
Jis Se Mehka Hai Mera Ghar Mera Gulshan.
Teen Shaban Mili Mujh Ko Woh Khushbo.
Farsh Pe Aa Ke Main Ne Kiya Hai Intezar Bas Tera Hussain.

Aa Ja Taroon Se Teri Nazar Utaron.
Chand Ko Aaj Tere Husan Pe Waron.
Pas Jab Aaye Tu Seene Se Laga Kar.
Pyar Se Tujh Ko Hussaina Main Pukaron.
Main Ne Khuda Se Kuch Nahi Manga Jab Se Mujh Ko Tu Mila Hussain.

Our Bhar Jaye Ga Ronaq Se Mera Ghar.
Jab Chaley Ga Tu Meri Ungli Pakar Kar.
Bhai Ke Sath Mere Pas Tum Aana.
Jab Pukaron Gi Main Shabbir Our Shabar.
Mujh Ko Miley Hain Chand Se Betay Aik Hasan Dosra Hussain.

Dekh Jibreel Tera Jhola Jholaye.
Our Rizwan Tere Naaz Uthaye.
Anbiya Hoon Ya Malak Hoon Aye Mere Dil.
Sab Tere Sath Zameen Par Chaley Aaye.
Arsh Pe Unn Ka Dil Nahi Lagta Ishq Tujh Se Ho Gaya Hussain.

Tu Mere Baba Muhammad Ki Jhalak Hai.
Aayaton Ki Tere Chehray Pe Damak Hai.
Hain Haseen Abar Ke Jaisay Tere Abro.
Teri Aankhon Mein Ali Jaisi Chamak Hai.
Noor-e-Mujasam Fakhar-e-Do Alam Tu Khuda Ka Mojza Hussain.

Mas Howa Jab Woh Tere Jholay Se Aa Kar.
Tere Sadqay Mein Hi Fitrus Ko Miley Par.
Mujh Se Darwazay Pe Aa Aa Ke Farishtay.
Mangtay Hain Tera Sadqa Aye Mere Dilbar.
Sab Ko Main Tera Bant Doon Sadqa Aik Bar Muskura Hussain.

Dekh Kar Husan Tera Our Yeh Adaein.
Dil Yeh Karta Hai Liye Jaon Balaein.
Tujh Se Wadah Kabhi Rad Na Karon Gi.
Tere Sadqay Mein Jo Mangay Ga Duaein.
Oss Ki Shifat Hai Mera Zimma Dil Se Jo Kahey Ga Ya Hussain.

Aaj :ZEESHAN:-o-:RAZA: Jis Ki Khushi Hai.
Dilbar-e-Zahra Hai Hussain Ibn-e-Ali Hai.
Teen Shaban Bari Eid Hai Phir Bhi.
Sab Azadaron Ki Aankhon Mein Nami Hai.
Kyun Na Hoon Aanso Aane Pe Tere Roye They Khud Mustafa Hussain.

Poet: :Zeeshan Abidi:
Manqabat Khuwan: :Syed Raza Abbas Zaidi:
Manqabat Volum: :Syed Raza Abbas Zaidi 2024-25:
Composition: :Syed Raza Abbas Zaidi:

#KhushAmdeedYaAli
#ManqabatLyrics
#tajpoint

Kitna Haseen Hai Mera Hussain Syed Raza Abbas Zaidi

3 Shaban New Manqabat Kitna Haseen Hai Mera Hussain Syed Raza Abbas Zaidi

Kitna Haseen Hai Mera Hussain Syed Raza Abbas Zaidi Lyrics Urdu 2025