Chala Gaya Abbas Syed Raza Abbas Zaidi Lyrics Urdu 2025

Chala Gaya Abbas Syed Raza Abbas Zaidi.

Alam Jo Darya Se Aata Howa Dikhai Diya.
Sakina Dar Pe Jo Pohanchin Tu Baap Ko Dekha.
Yeh Ro Ke Bachi Ne Pocha Kahan Hain Mere Chacha.
Alam Sakina Ke Hathoon Mein De Ke Sheh Ne Kaha.

Alam Barha Do Sakina Chala Gaya Abbas.
Hussain Ho Gaya Tanha Chala Gaya Abbas.

Yaqeen Aata Nahi Tha Keh Mar Gaya Ghazi.
Main Thap Thapata Raha Oss Ke Gaal Aye Beti.
Magar Hussain Ki Oss Waqt Aas Toot Gayi.
Jab Aa Ke Maa Ne Bataya Chala Gaya Abbas.

Sakina Pani Se Kis Ki Nazar Utaro Gi.
Tum Ammo Jan Kisay Keh Ke Ab Pukaro Gi.
Woh Yaad Aaye Ga Jab Sham Tum Sidharo Gi.
Nahi Miley Ga Dobarah Chala Gaya Abbas.

Pohanch Ke Nehar Pe Mashkeza Jab Bhara Oss Ne.
Sakina Yaad Teri Pyas Ko Rakha Oss Ne.
Tha Oss Ke Samne Pani Nahi Piya Oss Ne.
Tumhari Tarha Se Pyasa Chala Gaya Abbas.

Kissi Ne Gurz Jo Mara Tu Woh Sanbhal Na Saka.
Katay They Hath Sahara Woh Kis Tarha Leta.
Zameen Pe Aisay Gira Zakhmi Ho Gaya Chehra.
Dobarah Uth Nahi Paya Chala Gaya Abbas.

Kahan Kahan Ossay Roi Hai Meri Tanhai.
Kahin Badan Tha Kahin Hath Kya Ghari Aayi.
Bikhar Gaya Mera Batees Saal Ka Bhai.
Para Hai Dasht Mein Lasha Chala Gaya Abbas.

Jawan Bhai Ka Mar Jana Sakht Manzil Hai.
Main Kaisay Zindah Hoon Yeh Janta Mera Dil Hai.
Magar Sakina Yeh Ik Kam Sab Se Mushkil Hai.
Teri Phophi Ko Batana Chala Gaya Abbas.

Laga Hai Hath Pe Jo Khon Yeh Ossi Ka Hai.
Tha Oss Ki Aankh Mein Jo Teer Main Ne Khaincha Hai.
Woh Janta Tha Mere Dil Mein Kya Tamana Hai.
Pukar Kar Mujhe Bhaiyya Chala Gaya Abbas.

Zameen Pe Girney Se Dandan Oss Ke Zakhmi They.
Katay They Hont Badan Choor Choor Zakhmo Se.
Tum Aisay Haal Mein Ghazi Ko Dekhti Kaisay.
Jabhi Tu Ghar Nahi Aaya Chala Gaya Abbas.

Ghari Woh Aayi Thi :ZEESHAN: Our :RAZA: Kaisi.
Kaha Yeh Khaimon Mein Jab Sheh Ne Mar Gaya Ghazi.
Girein Zameen Pe Gash Kha Ke Bibiyaan Sari.
Koi Bhi Sun Nahi Paya Chala Gaya Abbas.

Poet: :Zeeshan Abidi:
Noha Khuwan: :Syed Raza Abbas Zaidi:
Noha Volum: :Syed Raza Abbas Zaidi 2025-26:
Composition: :Syed Raza Abbas Zaidi:

#ChalaGayaAbbas
#NohayLyrics
#tajpoint

New Noha Chala Gaya Abbas Syed Raza Abbas Zaidi Lyrics Urdu

Mola Ghazi Noha Chala Gaya Abbas Syed Raza Abbas Zaidi Lyrics

Chala Gaya Abbas Syed Raza Abbas Zaidi Lyrics Urdu 2025