Sakina Bibi Ka Janaza Syed Raza Abbas Zaidi Lyrics 2022

Sakina Bibi Ka Janaza Syed Raza Abbas Zaidi

Woh Sham Ka Zindan Woh Ghurbat Woh Andhera.
Kurtay Ka Kafan Our Sakina Ka Janaza.
Sajjad Se Jab Lasha Behan Ka Nahi Utha.
Lashay Pe Rubab Aa Ke Yeh Karne Lagin Noha.
Aye Bibiyon Tum Meri Madad Karne Ko Aao.
Mazloom Sakina Ke Janazay Ko Uthao.

Sakina Bibi Ka Hai Janaza Uthao Zainab Uthao Fizza.
Yeh Roney Wali Ka Hai Janaza Uthao Zainab Uthao Fizza.

Hain Hath Ab Bhi Rasan Mein Iss Ke.
Hum Hi Hain Ab Iss Watan Mein Iss Ke.
Na Jane Kab Se Yeh Tashna Lab Hai.
Nami Nahi Hai Badan Mein Iss Ke.
Yeh Meri Pyasi Ka Hai Janaza.
Uthao Zainab Uthao Fizza.

Yateem Bekas Ghareeb Dukhiya.
Thi Kitni Mazloom-o-Be Sahara.
Chacha Ke Sar Ke Qareeb La Kar.
Pakar Ke Baloon Se Jis Ko Mara.
Yeh Oss Bhateeji Ka Hai Janaza.
Uthao Zainab Uthao Fizza.

Woh Jis Ki Sokhi Hoi Ragoon Par.
Chala Tha Karb-o-Bala Mein Khanjar.
Bhara Tha Teeron Se Oss Ka Seena.
Hai Jis Ko Mara Rula Rula Kar.
Yeh Oss Ki Beti Ka Hai Janaza.
Uthao Zainab Uthao Fizza.

Jala Hai Kurta Hain Kan Zakhmi.
Galay Mein Paiwast Hai Rasan Bhi.
Kahin Pe Khaya Tha Taziyana.
Kahin Yeh Naqay Se Gir Gayi Thi.
Yeh Gham Ki Mari Ka Hai Janaza.
Uthao Zainab Uthao Fizza.

Mila Jo Pani Tu Iss Ne La Kar.
Giraya Abid Ki Beriyon Par.
Kahin Se Chadar Mili Tu Pehle.
Humein Urhai Hai Iss Ne Aa Kar.
Yeh Sab Ki Pyari Ka Hai Janaza.
Uthao Zainab Uthao Fizza.

Hai Iss Ke Baloon Mein Bhi Safaidi.
Kamar Bhi Khum Ho Chuki Hai Iss Ki.
Issay Bhi Darbar Jab Bulaya.
Pakar Ke Dewar Yeh Chali Thi.
Batool Jaisi Ka Hai Janaza.
Uthao Zainab Uthao Fizza.

Main Iss Ki Halat Bataon Kaisay.
Ab Our Ghurbat Sunaon Kaisay.
Tumhein Khabar Hai Main Iss Ki Maa Hoon.
Madad Karo Main Uthaon Kaisay.
Yeh Meri Bachi Ka Hai Janaza.
Uthao Zainab Uthao Fizza.

Jisay Rehai Ki Aarzu Thi.
Woh Ab Hamesha Rahe Gi Qaidi.
Madine Walay Bhi Ro Deiye Jab.
:RAZA:-o-:ZEESHAN: Maa Pukari.
Yeh Sham Wali Ka Hai Janaza.
Uthao Zainab Uthao Fizza.

Poet: :Zeeshan Abidi:
Noha Khuwan: :Syed Raza Abbas Zaidi:
Noha Volum: :Syed Raza Abbas Zaidi 2022-23:
Composition: :Syed Raza Abbas Zaidi:

#SakinaBibiKaJanaza
#NohayLyrics
#tajpoint

New Noha Sakina Bibi Ka Janaza Syed Raza Abbas Zaidi

13 Safar Noha Sakina Bibi Ka Janaza Syed Raza Abbas Zaidi

Sakina Bibi Ka Janaza Syed Raza Abbas Zaidi Lyrics 2022