Abbas Ne Dekha Khali Mir Hasan Mir Lyrics Urdu 2026
Abbas Ne Dekha Khali Mir Hasan Mir.
Ik Nazar Ghaiz Mein Abbas Ne Dekha Khali.
Aa Ke Khud Ho Gaya Mashkezay Mein Darya Khali.
Apni Aagosh Se Zainab Ne Utara Hi Nahi.
Reh Gaya Hazrat-e-Abbas Ka Jhola Khali.
ALLAH ALLAH Re Saqa-e-Sakina Ka Jalal.
Kar Diya Nehar Talak Maut Ne Rasta Khali.
Aag Mojon Mein Lagi Ho Gayin Nehrein Pani.
Main Ne Darya Pe Parha Tha Tera Hamla Khali.
“Hay” Alag “Wao” Tha Alag Yeh Tha Hawa Ka Aalam.
Jab Keh Abbas Ne Khat Khak Pe Khaincha Khali.
Gin Lo Abbas Ki Batees Baras Ki Sansein.
Khidmat-e-Sheh Se Nahi Koi Lamha Khali.
Oss Ka Shajrah Bhi Sand Yafta Ho Jata Hai.
Yaad Kar Le Jo Bashar Aap Ka Shajrah Khali.
Oss Ko Mabood Ne Bakhshi Hi Nahi Khoye Wafa.
Hub-e-Abbas Se Jo Dil Nazar Aaya Khali.
Maa Musallay Pe Rahi Waqt-e-Zahoor-e-Abbas.
Jab Keh Oss Waqt Bhi Tha Khana e Kaba Khali.
Tu Alam Chomney Aata Bhi Tu Kaisay Aata.
Mal-e-Dunya Se Tera Hath Nahi Tha Khali.
Tera Lehraye Jo Parcham Tu Bahar Aa Jaye.
Baam-e-Kaba Hai Abhi Tak Mere Maula Khali.
Neend Abbas Ko Aane Ke Liye Kafi Hai.
Zanu-e-Hazrat-e-Shabbir Ka Takiya Khali.
Tashna Kamo Ko Pila Jam :TAKALLUM: Bhar Kar.
Madh-e-Abbas Ka Mashkeza Na Hoga Khali.
Poet: :Mir Takallum Mir:
Manqabat Khuwan: :Mir Hasan Mir:
Manqabat Volume: :Mir Hasan Mir 2025-26:
Composition: :Sayyed Zaire Naqvi:
#AbbasNeDekhaKhali
#ManqabatLyrics
#tajpoint
Abbas Ne Dekha Khali Mir Hasan Mir Lyrics Urdu 2026 Write Up Poster Image
