Haal Wo Zainab Ne Socho Kasy Dekha Baap Ka Wajhi Hasan Zaidi Lyrics Urdu 2026
Haal Wo Zainab Ne Socho Kasy Dekha Baap Ka Wajhi Hasan Zaidi.
Khon Mein Bheega Howa Tha Jab Amama Baap Ka.
Baap Ki Furqat Mein Giriya Kartay Kartay Chal Basi.
Gham Utha Payi Na Shehzadi Khadija Baap Ka.
Poch Lo Kitna Rulata Hai Yateemo Ko Sada.
Yaad Aata Hai Yateemo Ko Jo Chehra Baap Ka.
Aa Rahe Hain Gash Jisay Baba Ko Zakhmi Dekh Kar.
Kis Tarha Dekhey Gi Woh Zainab Janaza Baap Ka.
Chom Ke Zainab Ossay Roney Lagi Zaar-o-Qatar.
Jab Diya Shabbar Ne Zainab Ko Musalla Baap Ka.
Murtaza Ko Noha Madar Ka Sunaya Umar Bhar.
Maa Ki Turbat Par Parha Zainab Ne Noha Baap Ka.
Haal Aisa Baap Ka Dekhey Na Beti Koi Bhi.
Zainab-o-Kulsoom Ne Jo Haal Dekha Baap Ka.
Aaiye Ahl-e-Azza Zainab Ko Pursa Dijiye.
Uth Gaya Zainab Ke Sar Se Aaj Saya Baap Ka.
ALLAH ALLAH Yeh Karimi, Paish Sharbat Kar Diya.
Samne Abbas Ke Qatil Jo Aaya Baap Ka.
Woh Madina Bhi Bhala Kaisa Madina Tha Jahan.
Gham Mananay Ko Taras Jati Thi Zahra Baap Ka.
Phir Chaley Aaein Gay Baba, Bas Issi Umeed Par.
Rasta Takti Rahi Yasrab Mein Sughra Baap Ka.
Momino Yaqoob Ke Yousuf Se Furqat Ik Taraf.
Ik Taraf Akbar Ki Maiyyat Ko Uthana Baap Ka.
Apne Kandhoon Par Utha Laya Jawaan Betay Ki Lash.
Hosla Dekhey Zara Sara Zamana Baap Ka.
Sochiye Aye Momino Sham-e-Ghareebaan Ka Samaa.
Dhondti Thi Dasht Mein Lasha Sakina Baap Ka.
Tab Kahin Aayi Samajh Mujh Ko Yateemi Ki Tapish.
Jis Ghari Sar Se Utha Hai Mere Saya Baap Ka.
Ho Gaya Andaza Kitna Kartay Hain Paidal Safar.
Jab Nazar Aaya Mujhe Paon Ka Chala Baap Ka.
Dekh Ke Apne Jawaan Betay Ki Maiyyat Dosto.
Phat Na Jaye Oss Ghari Gham Se Kaleja Baap Ka.
Baap Ke Kandhoon Pe Main Ne Kamsini Mein Ki Thi Sair.
Main Ne Kandhoon Par Uthaya Hai Janaza Baap Ka.
Kaun Jaye Ga Jaloos-e-Sheh Mein, Pocha Baap Ne.
Oss Ghari Bachoon Ne Foran Hath Thama Baap Ka.
Yak Ba Yak Aankhein Meri Nam Ho Gayin Aye Dosto.
Fateha Mein Naam Jab Main Ne Pukara Baap Ka.
Hai Yateman e Ali Mein Naam Mera Bhi :JARY:.
Mujh Ko Seene Se Laga Ke Dijay Pursa Baap Ka.
Poet: :Jary Raza:
Noha Khuwan: :Syed Wajhi Hasan Zaidi:
Noha Volume: :Syed Wajhi Hasan Zaidi 2025-26:
Composition: :Syed Wajhi Hasan Zaidi:
#HaalWoZainabNe
#NohayLyrics
#tajpoint
Haal Wo Zainab Ne Socho Kasy Dekha Baap Ka Wajhi Hasan Zaidi Lyrics Urdu
Haal Wo Zainab Ne Socho Kasy Dekha Baap Ka Wajhi Hasan Zaidi Lyrics
Haal Wo Zainab Ne Socho Kasy Dekha Baap Ka Wajhi Hasan Zaidi Lyrics Urdu 2026 Write Up Poster Image
