Agayi Karbobala Qafla Roko Ghazi Mir Hasan Mir Lyrics Urdu 2026
Rahwar e Hussaini Jab Thehra Our Aik Qadam Aagay Na Barha.
Kuch Khak Utha Ke Hathoon Mein Abbas Se Yeh Maula Ne Kaha.
Sar Apna Yahan Katwaein Gay Iss Khak Pe Hum So Jaein Gay.
Aa Gayi Karb-o-Bala Qafila Roko Ghazi.
Bas Safar Khatam Howa Yehi Maqtal Hai Mera Qafila Roko Ghazi.
Sun Ke Zahra Ki Boka Jan Chali Jati Hai.
Iss Zameen Se Tu Mere Khon Ki Boo Aati Hai.
Maa Ki Aati Hai Sada Dil Bhi Kehta Hai Mera.
Qafila Roko Ghazi.
Apni Manzil Se Kahin Aagay Nahi Jana Hai.
Hum Ko Sajjad Ne Bhai Yahin Dafnana Hai.
Roti Behno Se Humein Yahin Hona Hai Juda.
Qafila Roko Ghazi.
Songh Kar Khak Ko Aisi Hoi Riqqat Tari.
Inna Lillah Howa Sheh Ke Labon Se Jari.
Sajda e Shukar Kiya Mur Ke Bhai Se Kaha.
Qafila Roko Ghazi.
Yeh Zameen Paon Pakarti Hai Mere Ruk Jao.
Sar Khulay Aaye They Jibreel Abhi Ruk Jao.
Aye Sakina Ke Chacha Aa Gaya Amar-e-Khuda.
Qafila Roko Ghazi.
Maqtal-e-Ishq Ki Jo Mangay Woh Qeemat De Do.
Yeh Zameen Naam Pe Hum Shakal-e-Nabi Ke Le Lo.
Kaun Basta Hai Yahan Poch Lo Ja Ke Zara.
Qafila Roko Ghazi.
Dekho Woh Chand Mujhe Aisay Hi Khum Hona Hai.
Iss Tarai Mein Mera Bazu Qalam Hona Hai.
Khoon Mein Dobay Ga Yahan Ik Bhateeji Ka Chacha.
Qafila Roko Ghazi.
Naam Tum Karna Raqam Sare Azadaron Ke.
Iss Jagah Aaein Gay Ab Qafilay Zawwaron Ke.
Mera Matam Ho Ga Aaein Gay Ahl-e-Azza.
Qafila Roko Ghazi.
Che Mahino Se Safar Mein Hai Musalsal Asghar.
Kan Mein Keh De Koi Aa Gaya Ab Aakhri Ghar.
Teer Khaye Ga Yahan Woh Mera Mah-e-Laqa.
Qafila Roko Ghazi.
Aik Woh Din Tha :TAKALLUM: Keh Ali Ki Beti.
Be Rida Gayarah Muharram Ko Yahan Se Jo Chali.
Ro Ke Deti Thi Sada Dukhtar-e-Shair-e-Khuda.
Qafila Roko Ghazi.
Poet: :Mir Takallum Mir:
Noha Khuwan: :Mir Hasan Mir:
Noha Volume: :Mir Hasan Mir 2026-27:
Soz: :Waheed Ul Hasan Kamaliya:
#AgayiKarbobala
#NohayLyrics
#tajpoint
2026 Agayi Karbobala Qafla Roko Ghazi Mir Hasan Mir Lyrics
Lyrics Agayi Karbobala Qafla Roko Ghazi Mir Hasan Mir
Agayi Karbobala Qafla Roko Ghazi Mir Hasan Mir Lyrics Urdu 2026 Write Up Poster Image
