Fatima Zehra Teri Hammad Nagri Lyrics In Urdu 2026

Fatima Zehra Teri Hammad Nagri Lyrics

Baad Tere Baba Gayi Bar Sar-e-Darbar Fatima Zahra Teri Fatima Zahra.
Baba Tere Gham Mein Bani Teri Azadar Fatima Zahra Teri Fatima Zahra.

Jalta Howa Dar Gira Aisi Qayamat Hoi.
Baba Mere Lal Ki Aisay Shahadat Hoi.
Aag Liye Aa Gaye Ghar Mein Yeh Sare Shaqi.
Dar Ko Utha De Koi Fatima Kehti Rahi.
Noha Yehi Parhtay Rahe They Dar-o-Dewar.

Dar Pe Sitam Dhaya Gaye Ghar Bhi Mera Jal Gaya.
Toot Gayi Pasliyaan Pehlu Shikasta Howa.
Dard Mujhe Youn Mila Kanpa Hai Hujra Mera.
Chadar-e-Ismat Jali Roye Hasan Mujtaba.
Rotay Rahe Dekh Ke Yeh Haider-e-Karrar.

Baba Main Haq Mangney Masjid-e-Nabvi Gayi.
Sath Mere They Hasan Aap Ki Tehreer Thi.
Mani Na Ummat Teri Koi Gawahi Meri.
Hanstay Rahe Kalma Go Fatima Roti Rahi.
Kartay Rahe Tano Ke Zahra Pe Yeh Sab Waar.

Aisa Sitam Ho Gaya Baba Yeh Socha Na Tha.
Aik Shaqi Ka Mere Rukh Pe Tamacha Laga.
Main Thi Akeli Khari Har Koi Betha Raha.
Jhoot Nahi Bolti Mujh Ko Yeh Kehna Para.
Mangney Haq Apna Laeen Se Sar-e-Darbar.

Aisi Qayamat Hoi Hum Se Na Dekha Gaya.
Baba Ali Ka Gala Rasi Se Bandha Gaya.
Betiyaan Roti Rahein Kaisa Ghazab Ho Gaya.
Nana Ke Jate Hi Kyun Itna Rulaya Gaya.
Ho Gayi Beti Teri Iss Gham Mein Giraftar.

Aap Ko Maloom Hai! Pyar Hai Kitna Mujhe.
Iss Ko Na Dekhon Jo Main Neend Na Aaye Mujhe.
Baba Mere Lal Ki Zid Thi Keh Madar Mujhe.
Seene Laga Kar Kahe! Aao Mere Ladlay.
Band-e-Kafan Khul Gaye Roti Rahi Dukhyar.

Baba Na Sun Pao Gay Gham Ki Kahani Meri.
Likh Nahi Paye Ga Ab Our Yeh :DANISH ALI:.
Pehlu Shikasta Mera Tooti Lehad Hai Meri.
Haan Bari Mazloom Hai Baba Teri Ladli.
Ajar-e-Risalat Youn Mila Ahmad-e-Mukhtar.

Poet: :Danish Ali Ammar:
Noha Khuwaan: :Hammad Ali Nagri:
Noha Volume: :Hammad Ali Nagri 2025-26:
Composition: :Mohammad Ali:

#FatimaZehraTeri
#NohayLyrics
#tajpoint

2026 New Noha Fatima Zehra Teri Hammad Nagri Lyrics

Urdu Noha Fatima Zehra Teri Hammad Nagri Lyrics

Fatima Zehra Teri Hammad Nagri Lyrics In Urdu 2026 Write Up Poster Image

Video Link