Hamarey Hain Ya Hussain Page 2 Nadeem Sarwar Lyrics 2011

Hamarey Hain Ya Hussain Page 2 Nadeem Sarwar.

Kya Dil Tha Dil Hussain Alh Aslam Ka.
Jis Mein Koi Khiyal Na Tha Inteqam Ka.
Dil Tha Tu Dil Pe Kar-e-Risalat Utha Liya.
Dil Tha Tu Dil Pe Noor-e-Shahadat Utha Liya.
Dil Tha Tu Dil Pe Bar-e-Qayamat Utha Liya.
Dil Tha Khuda Ke Ishq Mein Sab Ghar Luta Diya.
Dil Tha Tu Dil Pe Daag-e-Bahatar Utha Liya.
Dil Tha Sanbhal Ke Lasha-e-Akbar Utha Liya.
Had Hai Janaza-e-Ali Asghar Utha Liya.
Hussain Dil Hai Tera.
Hussain Dil Hai Tera.
Hussain Dil Hai Tera.

Karbala Kya Thi Laeeno Ki Shaqawat Kya Thi.
Soch Insan Ke Sadaat Ki Ghurbat Kya Thi.
Eid Guzri Hai Abhi Yani Keh Eid-e-Qurbaan.
Aap Ne Pora Kiya Hoga Yeh Rukan-e-Emaan.
Chand Shartein Hain Zabeeha Ki Bara-e-Insaan.
Shart-e-Awwal Hai Keh Kamsin Na Ho Beemar Na Ho.
Our Bhoka Na Ho Pani Ka Talabgar Na Ho.
Ro Baro Samne Haiwan Ke Haiwan Na Ho.
Waqt-e-Zibha Woh Ghari Bhar Ko Pareshan Na Ho.
Shart Yeh Bhi Hai Churi Bhi Na Dikhao Oss Ko.
Zibha Se Pehle Qaza Se Na Darao Oss Ko.
Ho Churi Taiz Magar Hath Ho Narmi Se Rawaan.
Aik Hi Waar Mein Ho Jaye Zabeeha Qurbaan.
Al-Hafiz-o-Al-Amaan Al-Hafiz-o-Al-Amaan.
Al-Hafiz-o-Al-Amaan Al-Hafiz-o-Al-Amaan.

Ab Jigar Tham Keh Aye Momino Yeh Haal Suno.
Lo Zara Maqtal-e-Shabeer Ka Ahwal Suno.
Haye Haiwaan Ki Dam-e-Zibha Sharait Itni.
Our Jis Ghar Se Yeh Mansoob Hoi Qurbani.
Oss Ki Aoulad Ki Maqtal Mein Yeh Tauqeer Hoi.
Koi Bhi Shart Zabihey Ki Nibhai Na Gayi.

Shart-e-Awwal Thi Keh Kamsin Na Ho Dandan Bhi Hoon.
Doodh Peeta Na Ho Mar Jane Ke Imkan Na Hoon.
Tum Ko Ab Madar-e-Asghar Ki Qasam Ahl-e-Azza.
Qatal Asghar Jo Hoye Sochiye Woh Kya Sin Tha.
Tesra Faqa Tha Chup Mah Ka Sin Wawela.
Aik Bhi Daant Na Nikla Tha Ali Asghar Ka.
Aik Balisht Ka Kurta Tha Ali Asghar Ka.
Doodh Peena Bhi Na Chota Tha Ali Asghar Ka.
Pehla Kamsin Hai Keh Jo Zibha Nahi Nehar Howa.
Teer-e-Seh Pehlu Se Masoom Ko Bhi Mar Liya.
Al-Hafiz-o-Al-Amaan Al-Hafiz-o-Al-Amaan.
Al-Hafiz-o-Al-Amaan Al-Hafiz-o-Al-Amaan.
Al-Hafiz-o-Al-Amaan Al-Hafiz-o-Al-Amaan.
Al-Hafiz-o-Al-Amaan Al-Hafiz-o-Al-Amaan.

Shart-e-Doim Thi Keh Haiwaan Na Ho Bhoka Pyasa.
Our Haftam Se They Sadaat Bina Aab-o-Giza.
Halq Tar Kartay Hain Qassab Bhi Qurbani Ka.
Our Bahatar Ko Dam-e-Zibha Bhi Pani Na Mila.
Jalti Reti Pe Kahin Akbar-o-Abbas Girey.
Our Kahin Aoun-o-Muhammad Kahin Qasim They Paray.
Zibha Haiwaan Ka Nahi Hukam Hai Haiwaan Ke Hazoor.
Yaan Na Shabeer Se Zainab Na Sakina Thi Door.
Shah Unko Woh Soye Shah-e-Ummam Dekhtey They.
Zibha Hotey They Hussain Ahl-e-Haram Dekhtey They.
Hussain Ya Hussain.
Hussain Ya Hussain.
Hussain Ya Hussain.

Mana Dikhlana Churi Ka Hai Paye Qurbani.
Yaan Tha Nu Lakh Ke Nargay Mein Ali Ka Jani.
Aik Jaan Aah Kharedar Aye Azim Billah.
Har Taraf Zalim-o-Khoon Khawar Aye Azim Billah.
Apne Rutbay Ka Kissi Ko Na Shanasa Dekha.
Dekha Pyasay Ne Jisay Khon Ka Pyasa Dekha.
Aakhri Shart Churi Taiz Ho Narmi Se Rawaan.
Ta Keh Tarpay Na Aziyat Se Zara Bhi Haiwaan.
Aakhri Sajdah Udhar Karne Lagay Shah-e-Huda.
Kund Karta Howa Khanjar Ko Idhar Shimar Chala.
Terah Zarboon Se Sar-e-Syed-e-Wala Kata.
Our Mazloom Har Ik Zarb Pe Deta Tha Sada.
Zarb Pe Zarb Lagi Kehte They Amma Amma.
Zarb-e-Aakhir Pe Kaha Ho Mere Abbas, Mere Abbas Kahan Ho.

Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 2010-11:

#HamareyHainYaHussain
#NohayLyrics
#tajpoint

Hamarey Hain Ya Hussain Page 2 Nadeem Sarwar

Hamarey Hain Ya Hussain Page 2 Nadeem Sarwar Old Noha

Hamarey Hain Ya Hussain Page 2 Nadeem Sarwar Lyrics

Hamarey Hain Ya Hussain Page 2 Nadeem Sarwar Write Up

Hamarey Hain Ya Hussain Page 2 Nadeem Sarwar Lyrics 2011