Matam Karo Logo Arsalan Rizvi Najam Lyrics Urdu 2025
Matam Karo Logo Arsalan Rizvi Najam.
Maula Ki Shahadat Hai Matam Karo Logo, Mehshar Ki Yeh Saat Hai Matam Karo Logo.
Ahmad Ka Wasi Khon Mein Tar Ho Gaya Sara, Majroh Howa Aaj Yateemo Ka Sahara.
Masjid Mein Ghazab Ho Gaya Jibreel Pokara, Pur Khon Wilayat Hai Matam Karo Logo.
Haye Yeh Raat Kaisi Hai, Kaisi Hai Yeh Sehar, Haider Ke Ghar Qayamat-e-Sughra Ka Hai Manzar.
Gham Se Nidhal Betiyan, Sab Rotay Hain Pisar, Ab Baba Ki Rukhsat Hai Matam Karo Logo.
Shair-e-Khuda Ki Aal Pe Yeh Waqt Kara Hai, Amma Bhi Nahi, Baba Bhi Be Jan Para Hai.
Aah-o-Fogaan Ka Shoor Hai Matam Ki Sada Hai, Tooti Yeh Qayamat Hai Matam Karo Logo.
Zahra Ka Ghar Ujar Gaya Aah-o-Boka Karein, Har Ghar Mein Aao Matam-e-Haider Bapa Karein.
Aal-e-Ali Ka Momino Kuch Haq Ada Karein, Yeh Ain-e-Mawaddat Hai Matam Karo Logo.
Sar Peeto Aaj Wali-o-Sardar Chal Basa, Lo Be Kason Ka Hami-o-Ghamkhuwar Chal Basa.
Larzaan Tha Jis Se Lashkar-e-Kuffar Chal Basa, Maula Se Jo Ulfat Hai Matam Karo Logo.
Bad-e-Rasool-o-Fatima Sab Se Bara Hai Gham, Sar Pe Ho Khak Kartay Chalo Giriya-o-Matam.
Ikeeswin Ko Kya Howa, Sab Ko Bataein Hum, Yeh Waqt-e-Musibat Hai Matam Karo Logo.
Taboot-e-Ali Murtaza Kandhoon Pe Uthaein, Sab Chak Gareban Hoon Our Ashk Bahaein.
Jaisay Yateem Ho Gaye Youn Soag Manaein, Aaqa Ki Yeh Rehlat Hai Matam Karo Logo.
Jo Mohsin e Islam Tha Khoon Oss Ka Bahaya, Naraz Kiya Rab Ko, Nabi Ko Bhi Rulaya.
Dil Par Rasool Zadi Ke Phir Zakhm Lagaya, Kya Ajar-e-Risalat Hai Matam Karo Logo.
Noha Kuna Hai :MIR: Tu Mehway Boka :NAJAM:, Kaisay Bholaein Gay Bin-e-Muljim Ka Yeh Sitam.
Yeh Gham Mere Imam Ka Hoga Kabhi Na Kam, Yeh Haq-e-Imamat Hai Matam Karo Logo.
Poet: :Arsalan Rizvi Najam:
#MatamKaroLogo
#NohayLyrics
#tajpoint
New Noha 21 Ramzan Matam Karo Logo Arsalan Rizvi Najam
Matam Karo Logo Arsalan Rizvi Najam Lyrics Urdu 2025 Write Up Poster Image
