Main Farsh-e-Aza Hon Musahar Rizvi Asim Rizvi Lyrics In Urdu and Roman Urdu
میں فرشِ عزا ہوں
Main Deen-e-Mustafa Ki Ibadat Hoon Azadar.
Main Shair-e-Elahi Ki Wilayat Hoon Azadar.
Main Fatima Zahra Ki Amanat Hoon Azadar.
Main Zainab-e-Kubra Ki Inayat Hoon Azadar.
Samjhota Kissi Se Kabhi Mera Nahi Karna.
Jannat Ke Ewaz Bhi Mera Soda Nahi Karna.
Jis Ka Hai Do Jahan Pe Karam Main Woh Farsh Hoon.
Jis Ke Hai Arsh Zair-e-Qadam Main Woh Farsh Hoon.
Khulta Hai Jis Pe Baab-e-Iram Main Woh Farsh Hoon.
Rotay Hain Jis Pe Shah-e-Ummam Main Woh Farsh Hoon.
Bichta Hoon Main Jab Arsh-e-Mualla Ki Jabeen Par.
Batta Hai Rizq Tab Yeh Tabaruk Mein Zameen Par.
Jab Tha Yeh Takht-o-Taj Gharor-e-Ameer-e-Sham.
Zainab Ne Mera Tab Kiya Zindaan Mein Intezam.
Pa Kar Dua-e-Fatima Le Kar Ali Ka Naam.
Ta Hashar Main Ne Kar Diya Dunya Mein Aisa Kam.
Soraj Kiya Tha Main Ne Ujagar Umeed Ka.
Ulta Tha Main Ne Sham Mein Takhta Yazid Ka.
Yeh Masnad-e-Rasool-e-Do Alam Hai Azadar.
Hurmat Na Payemal Ho Isski Aye Zee Waqar.
Iss Par Ossay Bithao Jo Hai Dein Ka Pasdar.
Ossko Na Bithao Jo Ho Dunya Ka Talabgar.
Hargiz Na Bholna Keh Yeh Haq Hai Batool Ka.
Mehdi Ki Amanat Hai Yeh Mimber Rasool Ka.
Yeh Zikar Ibadat Hai Koi Mashgala Nahi.
Yeh Farsh Sadat Hai Tijarat Ki Ja Nahi.
Yeh Manzalat Hai Ishq Ki Rasman Azza Nahi.
Mehshar Mein Aisay Kam Ki Koi Jaza Nahi.
Dekhey Ga Kaisay Shakal Sheh-e-Mashreqain Ki.
Ujrat Jo Shaks Leta Hai Zikar-e-Hussain Ki.
Poet: :Wamiq Rizvi:
Noha Khuwan: :Musahar Rizvi Asim Rizvi:
Noha Volume: :Musahar Rizvi Asim Rizvi 2021-22:
#MainFarsheAzaHon
#NohayLyrics
#tajpoint
