Farsh E Aza Subbaib Abdi Lyrics Urdu 2026

Farsh E Aza Subbaib Abdi Lyrics Urdu

Hamari Qaum Ki Pehchan Hai Yeh Farsh-e-Azza.
Shareef Logon Ka Unwan Hai Yeh Farsh-e-Azza.
Atash Ki Jeet Ka Ayelan Hai Yeh Farsh-e-Azza.
Ali Ki Beti Ka Arman Hai Yeh Farsh-e-Azza.
Kiya Hai Wadah Jo Haq Se Kabhi Na Torein Gay.
Qasam Hussain Ki Farsh-e-Azza Na Chorein Gay.

Khiyal-e-Ranj-o-Alam Ko Lahu Lahu Kar Ke.
Khuda Ki Our Risalat Ki Guftgu Kar Ke.
Khud Apni Zaat-e-Girami Ko Surkhuru Kar Ke.
Azza Ke Farsh Pe Aao Magar Wozu Kar Ke.
Khilay Khilay Hoye Pholon Ke Sath Baitho Gay.
Yahan Pe Aa Ke Rasolon Ke Sath Baitho Gay.

Aqeedaton Ke Liye Aaina Hai Farsh-e-Azza.
Tamam Ahl-e-Azza Ki Wafa Hai Farsh-e-Azza.
Hussain Ibn-e-Ali Aap Ka Hai Farsh-e-Azza.
Keh Mojzoon Ke Liye Mojza Hai Farsh-e-Azza.
Ghareeb Loag Bhi Jo Saal Bhar Kamatay Hain.
Woh Pori Shan Se Farsh-e-Azza Bichatay Hain.

Yeh Matami Hai Bohat Bawafa Yeh Kehta Hai.
Yeh Matami Hai Sitam Ki Qaza Yeh Kehta Hai.
Mizaj Iss Ka Hai Sab Se Juda Yeh Kehta Hai.
Zamane Walon Se Farsh-e-Azza Yeh Kehta Hai.
Shaoor-o-Fikar Ka Beemar Ho Nahi Sakta.
Jo Matami Hai Woh Ghaddar Ho Nahi Sakta.

Munafiqon Ke Liye Waar Hai Yeh Farsh-e-Azza.
Sitam Ke Halq Pe Talwar Hai Yeh Farsh-e-Azza.
Hussain Walon Ka Maiyar Hai Yeh Farsh-e-Azza.
Har Ik Bashar Se Khabardar Hai Yeh Farsh-e-Azza.
Najis Darakht Kabhi Chaon Rakh Nahi Saktay.
Fidak Ke Chor Yahan Paon Rakh Nahi Saktay.

Labon Pe Rehti Hai Har Waqt Jo Sana-e-Hussain.
Gharon Se Apne Nikalte Ho Tum Bara-e-Hussain.
Muqadron Ko Muyassar Hai Yeh Fizaye Hussain.
Inhi Ke Dam Se Mili Hai Tumhein Aza-e-Hussain.
Azza Ke Farsh Pe Jab Jab Bhi Tum Qiyam Karo.
Halal Zaday Ho Maa Baap Ko Salam Karo.

Faraz-e-Mimber-e-Haq Tazkira Hussain Ka Hai.
Jaloos, Farsh-e-Azza, Taziya Hussain Ka Hai.
Salam-o-Manqabat-o-Marsiya Hussain Ka Hai.
Qasam Rasool-e-Khuda Ki, Khuda Hussain Ka Hai.
Azza Ka Farsh Musallon Ko Hum Banatay Hain.
Khuda Ke Ghar Mein Bhi Farsh-e-Azza Bichatay Hain.

Musibaton Ne Kiya Hai Agar Tumhein Khasta.
Nahi Hai Rizq Ka Pukhta Agar Koi Rasta.
Moqablay Pe Khari Hai Agar Yeh Kul Dunya.
Yeh Mashwara Hai Gharon Mein Bichao Farsh-e-Azza.
Makaan Ho Kacha Ya Paka Zaror Aati Hain.
Jahan Hussain Hoon Zahra Zaror Aati Hain.

Yeh Be Shaouri Hai Ujlat Na Kar Khuda Ke Liye.
Yazidiyon Ki Hamayat Na Kar Khuda Ke Liye.
Abhi Hai Waqt Hamaqat Na Kar Khuda Ke Liye.
Yeh Farsh-e-Gham Hai Siyasat Na Kar Khuda Ke Liye.
Jo Rukh Pe Parday Paray Hain Woh Sab Hata De Ga.
Khuda Garor Tera Khak Mein Mila De Ga.

Jo Chahtey Ho Keh ALLAH Tum Se Ho Razi.
Azza Ke Farsh Pe Baitho Karo Bashar Sazi.
Alam Utha Ke Karo Gay Jo Anjuman Bazi.
Khiyal Rakhna Keh Ho Jaye Ga Khafa Ghazi.
Tamam Ahl-e-Azza Mein Lagan Hussain Ki Hai.
Nayi Porani Har Ik Anjuman Hussain Ki Hai.

Yeh Mera Our Yeh Oss Ka Khateeb Mat Karna.
Woh Khush Naseeb Hai Woh Bad Naseeb Mat Karna.
Yahan Pe Aa Ke Baeed-o-Qareeb Mat Karna.
Yeh Farsh-e-Gham Hai Ameer-o-Ghareeb Mat Karna.
Har Ik Amal Ka Yahan Par Hisab Hota Hai.
Jo Munkisar Hai Wohi Kamyab Hota Hai.

Adab Se Kartay Ho Jab Mil Ke Taziya Dari.
Zara Bhi Hoti Nahi Jab Koi Riyakari.
Hussain Hotey Hain Khush Dekh Kar Wafadari.
Boland Karti Hai Itna Tumhein Azadari.
Jinna Se Aan Ke Horein Balaein Leti Hain.
Tumhein Hussain Ki Madar Duaein Deti Hain.

Barhaya Zainab-e-Muztar Ne Har Qadam Aisay.
Rakha Sanbhal Ke Abbas Ka Alam Aisay.
Kiya Yazid Ke Har Ik Hadaf Ko Khum Aisay.
Bichaya Sham Mein Bhai Ka Farsh-e-Gham Aisay.
Sina Pe Apni Behan Ke Liye Dua Karne.
Sar-e-Hussain Gaya Shukriya Ada Karne.

Khuda Ka Shukar Azadar Hoon :SHARAR NAQVI:.
Main Karbala Ka Wafadar Hoon :SHARAR NAQVI:.
Har Ik Mahaz Pe Khuddar Hoon :SHARAR NAQVI:.
Ghulam-e-Hazrat-e-Mukhtar Hoon :SHARAR NAQVI:.
Para Jo Waqt Tu Yeh Rasta Nikalon Ga.
Azza Ke Wastay Main Khud Ko Baich Dalon Ga.

Poet: :Sharar Naqvi:
Manqabat Khuwan: :Syed Subbaib Abdi:
Manqabat Volume: :Syed Subbaib Abdi 2025-26:
Composition: :Syed Subbaib Abdi:

#FarshEAza
#ManqabatLyrics
#tajpoint

2026 Farsh E Aza Subbaib Abdi Lyrics Urdu

Farsh E Aza Subbaib Abdi Lyrics Urdu 2026

New Manqabat Farsh E Aza Subbaib Abdi Lyrics Urdu

New Musaddas Farsh E Aza Subbaib Abdi Lyrics Urdu 2026

Farsh E Aza Subbaib Abdi Lyrics Urdu 2026