Chalo Asghar Meesum Kashmiri Lyrics In Urdu and Roman Urdu
چلو اصغرؑ چلو کرب و بلا
Chala Jo Qafila Yasrab Se Soye Karb-o-Bala.
Wida Karti Thi Asghar Ko Fatima Sughra.
Magar Na Hotey They Khwahar Se Jab Sagheer Juda.
Qareeb Aa Ke Yeh Asghar Se Shah-e-Dein Ne Kaha.
Chalo Asghar Chalo Karb-o-Bala Tum Ko Bulati Hai.
Suno Maqtal Se Hil Man Ki Sada Tum Ko Bulati Hai.
Adhori Ho Gi Jang-e-Karbala Gar Tum Na Jao Gay.
Tumhi Tu Hurmala Ka Teer Kha Kar Muskurao Gay.
Mere Asghar Shahadat Ki Zia Tum Ko Bulati Hai.
Lipat Kar Jo Kiya Tha Main Ne Nana Jaan Ke Seene Se.
Nibhanay Ja Raha Hoon Woh Hi Wadah Main Madine Se.
Mere Nana Se Waday Ki Wafa Tum Ko Bulati Hai.
Sisakta Hai Mere Nana Ka Dein Iss Ko Bana Lo Tum.
Shariyat Larkharati Hai Issay Barh Kar Sanbhalo Tum.
Khuda Ke Dein Ke Roney Ki Sada Tum Ko Bulati Hai.
Bas Ab Kehdo Madine Ki Fizaon Ko Khuda Hafiz.
Kaho Beemar Sughra Ki Sadaon Ko Khuda Hafiz.
Chalo Beta Zameen-e-Nainawa Tum Ko Bulati Hai.
Aye Beta Jab Bhi Mangein Gay Duaein Matami Mere.
Tumhein Rotay Hoye Dein Gay Sadaein Matami Mere.
Har Ik Majboor-o-Bekas Ki Dua Tum Ko Bulati Hai.
Woh Phir Aagosh-e-Sughra Se Padar Ki Gaud Mein Aaya.
Humak Kar Lal Shah-e-Behar-o-Bar Ki Gaud Mein Aaya.
Kaha Jab Sheh Ne Khaliq Ki Raza Tum Ko Bulati Hai.
Kaha :IZHAR: Yeh Shabeer Ne Aye Meri Jaan Asghar.
Jahan Tum Hurmala Ka Teer Khao Gay Wahan Asghar.
Bicha Kar Maa Meri Farsh-e-Azza Tum Ko Bulati Hai.
Poet: :Ali Izhar
Noha Khuwan: :Meesum Kashmiri:
Noha Volume: :Meesum Kashmiri 2021-22:
Composition: :Meesum Kashmiri:
#ChaloAsghar
#NohayLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
