Aye Rab-e-Panjtan Lyrics In Urdu and Roman Urdu
اے ربِ پنجتنؑ
Aye Rab-e-Panjtan Meri Tujh Se Hai Yeh Dua.
Parwardigar Tu Hi Raheem-o-Kareem Hai.
Quran Keh Raha Hai Aliyul Azeem Hai.
Aawaz-e-Kun Se Pehle Hai Itna Qadeem Hai.
Wajib Hai Kainat Pe Har Dam Teri Sana.
Chaha Jo Tu Ne Khalq Mein Pehchan Ho Teri.
Tu Ne Banai Panch Sitaron Ki Ik Lari.
Unn Ki Raza Mein Teri Raza Hai Chupi Hoi.
Naraz Hum Se Ho Na Kabhi Aal-e-Mustafa.
Tanhaiyon Ka Teri Raha Hai Jo Humsafar.
Woh Mustafa Jo Baad Tere Sab Se Moatbar.
Hai Qarz Jis Ka Ajar-e-Risalat Jahan Par.
Har Qarz Kar De Gaib Se Maqroz Ka Ada.
Tujh Sa Ali Bhi Kehta Hai Khaliq Jisay Ali.
Ungli Pakar Ke Jis Ki Shariyat Teri Chali.
Raziq Hai Do Jahan Ka Waliyon Ka Hai Wali.
Sadqay Mein Oss Ke Rizq Mein Hoon Wusatein Atta.
Woh Fatima Hijab Bhi Nori Mila Jisay.
Hasnain Jaisay Jis Ne Pisar Paal Kar Diye.
Rehmat Bani Jo Rehmat-e-Alim Ke Wastay.
Totay Na Momineen Se Rehmat Ka Silsila.
Woh Mustafa Ka Lal Jo Dein Ko Bacha Gaya.
Taigon Ko Apne Zoor-e-Qalam Se Hara Gaya.
Aman-o-Amaan Ka Dars Jahan Ko Parha Gaya.
Har Simt Oss Ke Sadqay Mein Ho Aman Ki Fiza.
Mabood Woh Hussain Jo Mehboob Hai Tera.
Sar Kaat Kar Bhi Jis Ka Na Zalim Jhuka Saka.
Jis Ne Zameen Ko Arsh-e-Mualla Bana Diya.
Dikhla De Hum Faqeeron Ko Roza Hussain Ka.
Mushkil Ko Taal Hal-e-Musayab Ko Bhaij De.
Hain Jis Ke Muntazir Ossi Sahib Ko Bhaij De.
Mushkil Kusha Ke Aakhri Naib Ko Bhaij De.
Hai :SIBT-E-JAFAR: Our :HASAN: Ki Yeh Iltija.
Poet: :Ustad Sibt-e-Jafar Zaidi Shaheed:
Manqabat Khuwan: :Mir Hasan Mir:
Manqabat Volume: :Mir Hasan Mir 2010-11:
#AyeRabePanjtan
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
