Ghazi Ki Sana 7-12 Lyrics In Urdu Mir Hasan Mir 2020
Ghazi Ki Sana 7-12 Lyrics In Urdu Mir Hasan Mir
Suno Shabeer Se Ghazi Ki Sana.
Sarwar Ke Alamdar.
Zainab Ke Wafadar.
Ya Sani-e-Karrar.
Sardaron Ke Sardar.
Woh Bataein Gaye Humein Kiya Hai Wilaye Abbas.
Aao Shabeer Se Suntay Hain Sana-e-Abbas.
Kitne Lakhon Ka Hai Yeh Lashkar-e-Shar Kya Matlab.
Samne Shair Ke Yeh Teer-o-Tabar Kya Matlab.
Ain ALLAH Ki Aankhon Mein Ho Dar Kya Matlab.
Iss Ke Hotey Hoye Khaimon Pe Nazar Kya Matlab.
Khailta Aaya Hai Gehwarey Mein Yeh Teer Ke Sath.
Bachpana Kata Hai Abbas Ne Shamsheer Ke Sath.
Dast-e-Zahra Ka Tarasha Howa Almas Hai Yeh.
Khandan-e-Bani Hashim Ke Liye Aas Hai Yeh.
Karbala Jis Pe Hai Tehreer Woh Qirtas Hai Yeh.
Shair Jis Shair Se Dartay Hain Woh Abbas Hai Yeh.
Jab Mera Shair-e-Jawaan Ran Mein Biphar Jata Hai.
Zindagi Kya Malak Al-Maut Bhi Dar Jata Hai.
Milti Julti Mere Baba Se Hai Sorat Iss Ki.
Hai Dil-e-Sani-e-Zahra Pe Hakomat Iss Ki.
Poch Lo Malik-e-Ashtar Se Shujat Iss Ki.
Aik Jumlay Mein Sunaon Main Fazeelat Iss Ki.
Mawraye Samajh-o-Soch-o-Dil-o-Aqal Hai Yeh.
Kya Fazail Hoon Biyaan Khud Hi Abalfazl Hai Yeh.
Kar De Khamosh Sitamgaron Ki Sari Bar Bar.
Taig Bijli Ki Tarha Iss Ki Jo Chamkay Kar Kar.
Sar Girein Khak Pe Olon Ki Tarha Se Tar Tar.
Maut Dozakh Ki Taraf Hank De Sara Rewar.
Nehar Tak Sham Ke Lashkar Ke Gira De Lashay.
Na Ho Chalne Ki Jagah Itnay Bicha De Lashay.
Koi Ghazi Sa Wafadar Nahi Ho Sakta.
Iss Se Acha Koi Maiyar Nahi Ho Sakta.
Iss Se Barh Kar Koi Haqdar Nahi Ho Sakta.
Ab Koi Our Alamdar Nahi Ho Sakta.
Jab Sar-e-Hashar Alam Le Ke Nikalna Ho Ga.
Iss Ke Pichey Tu Rasolon Ko Bhi Chalna Ho Ga.
Chat Pe Kabay Ki Woh Khutba Diya Hairaan They Malak.
Waqt Thehra Howa Khamosh They Sab Arsh Talak.
Roab Aisa Tha Jhapakti Na Thi Logon Ki Palak.
Sahib-e-Minber-e-Kofa Ki Nazar Aayi Jhalak.
Sab Pe Israr-e-Jahan Khol Rahe Hoon Jaisay.
Aisa Lagta Tha Ali Bool Rahe Hoon Jaisay.
Poet: :Mir Takallum Mir:
Manqabat Khuwan: :Mir Hasan Mir:
Manqabat Volume: :Mir Hasan Mir 2020-21:
#ManqabatLyrics
#tajpoint
Mola Ghazi Abbas Manqabat Ghazi Ki Sana 7-12 Lyrics In Urdu
Ghazi Ki Sana 7-12 Lyrics In Urdu Mir Hasan Mir 2020 Write Up Poster Image
