Aye Meri Masoom Shehzadi Janab e Syeda Lyrics 2020
Aye Meri Masoom Shehzadi Janab e Syeda
Kijiye Mushkil Kushai Waqt Mushkil Hai Para.
Dil Bohat Be Chain Hai Halaat-e-Hazir Dekh Kar.
Muskurati Zindagi Ko Kha Gayi Kis Ki Nazar.
Door Sab Ko Kar Diya Yeh Aa Gayi Kaisi Waba.
Aap Ke Bachoon Ke Zair Hain Karam Kar Dijiye.
Uth Rahi Hain Ungliyaan Bibi Bharam Rakh Lijiye.
Hain Shifa Khane Hamarey Mashhad-o-Karb-o-Bala.
Kaisay Rokay Gi Azadari Se Yeh Dunya Humein.
Aap Ne Farsh-e-Azza Ke Wastay Manga Humein.
Hai Yaqeen Jari Rahe Ga Yeh Azza Ka Silsila.
Hai Tawaf-e-Khana-e-Kaba Ka Ruk Jana Ajab.
Yeh Nishani Hai Imam-e-Asar Ne Aana Hai Ab.
Dekhta Hai Khana-e-Kaba Bhi Unka Rasta.
Khof Hai Phaila Howa Ab Dekhta Hoon Main Jahan.
Al-Madad Ya Syeda Hoon Door Sab Bemariyaan.
Aap Ko Hai Wasta Sughra Ka Our Sajjad Ka.
Aap Ki Turbat Pe Na Aane Ka Hai Pehle Hi Gham.
Ab Agar Karb-o-Bala Se Bhi Hoye Mehroom Hum.
Mar Hi Jaein Gaye Agar Yeh Silsila Bhi Ruk Gaya.
Ho Zahoor-e-Hujat-e-Parwardigar Do Jahan.
Unn Ke Aate Hai Palat Aaein Gi Sab Khushhaliyaan.
Hath Phailaye Dua Kartay Hain :ZEESHAN:-o-:RAZA:.
Poet: :Zeeshan Abidi:
Recited By: :Syed Raza Abbas Zaidi:
Compostion: :Syed Raza Abbas Zaidi:
Munajat e Bibi Fatima
#MunajatLyrics
#DuaLyrics
#tajpoint
Aye Meri Masoom Shehzadi Janab e Syeda Lyrics 2020 Write Up Poster Image
