Tauseef E Syeda Wajhi Hasan Zaidi Lyrics Urdu 2025

Tauseef e Syeda Wajhi Hasan Zaidi Lyrics Urdu 2025

Tauseef e Syeda Wajhi Hasan Zaidi.

Chal Aye Qalam Kaneez-e-Khuda Ka Kalam Likh.
Likh Aye Sana Shaar Basad Ayhteram Likh.
Toseef-e-Bint-e-Hazrat-e-Khair Al Anam Likh.
Madh-e-Janab-e-Fatima Aali Maqam Likh.
Aisa Kalam Likh Keh Matan Jhomney Lagay.
Qirtas Aaj Nook-e-Qalam Chomney Lagay.

Misroon Ko Aaj Sorah-e-Midhat Mein Dhaal De.
Mere Takhayyulaat Ko Lafzi Jamal De.
Jo Harf Darj Kar Ossay Aouj-e-Kamal De.
Woh Manqabat Raqam Ho Ke Dunya Misal De.
Shehzadi-e-Bahisht Ke Sartaj Dad Dein.
Sun Kar Kalam Sahib-e-Mairaj Dad Dein.

Ab Likh Zara Taruf Shehzadi-e-Iram.
Jin Ke Karam Ko Kehte Hain ALLAH Ka Karam.
Tauheed Ka Hijab Hai Yeh Zaat-e-Mohtaram.
Hum Ko Yeh Fakhar Hai Keh Hain Hubdar Inn Ke Hum.
Wahdaniyat Shanas Khuda Ka Garor Hain.
Jo Noor Kibriya Ka Hai Yeh Oss Ka Noor Hain.

Sab Malkiyat Hai Aap Ki Ta Had e Khushk-o-Tar.
Sikka Inhi Ka Chalta Hai Ma Bain Behar-o-Bar.
Mozu Samait Deta Hoon Al-Qissa Mukhtasir.
Tauheed Kirdgar Ka Maskan Hai Inn Ka Ghar.
Quran Inn Ki Fikar Amal Deniyaat Hai.
Zahra Ki Manqabat Hi Tu Darasal Naat Hai.

Yeh Noor Kirdgar Ki Aankhon Ka Noor Hain.
Yeh Bint-e-Mustafa Hain Ali Ka Garor Hain.
Yeh Alima Hain Naik Khird Ba Shaoor Hain.
Yeh Rijs Se Nifaq Parasti Se Door Hain.
Aqwal Inn Ke Aya-e-Quraan Se Kam Nahi.
Inn Ki Sana Ibadat e Yazdaan Se Kam Nahi.

Khud Mojza Hain Aap Ke Baba Hain Mojza.
Shohar Ali Wali Bhi Sarapa Hain Mojza.
Bachay Hasan, Hussain Bhi Goya Hain Mojza.
Our Betiyaan Bhi Misal e Abeeha Hain Mojza.
Sara Hi Khandan Alh Aslam Hai.
Kun Kya Hai Inn Ki Junbish-e-Abro Ka Naam Hai.

Yeh Sadiqa Hain Inn Pe Sadaqat Ko Naaz Hai.
Yeh Tahira Hain Inn Pe Taharat Ko Naaz Hai.
Yeh Abida Hain Inn Pe Ibadat Ko Naaz Hai.
Yeh Syeda Hain Inn Pe Risalat Ko Naaz Hai.
Farman-e-Mustafa Hai Jo Inn Ko Sataye Ga.
Woh Koi Bhi Ho Seedha Jahanum Mein Jaye Ga.

Inn Ke Addo Ko Dono Jahan Mein Amaan Nahi.
Inn Ka Addo Paleed Hai Koi Gumaan Nahi.
Jis Par Bhi Raz-e-Sorah-e-Kausar Ayyaan Nahi.
Aisay Bashar Ka Hotey Hoye Bhi Nishaan Nahi.
Yeh Faisla Khuda Ka Hai Kehna Ali Ka Hai.
Dushman Jo Fatima Ka Hai Dushman Nabi Ka Hai.

Inn Ke Karam Ke Faiz Zamane Mein Aam Hain.
Jo Sahib-e-Shaoor Hain Inn Ke Ghulam Hain.
Sab Azmatein Baqool-e-Khuda Inn Ke Naam Hain.
Yeh Madar-e-Hussain Alh Aslam Hain.
Darain Mein Nafaaz e Shariyat Inhi Se Hai.
Baqi Ali Wali Ki Wilayat Inhi Se Hai.

Soraj Ko Tahira Ki Ziyarat Ka Shoq Tha.
Soraj Ko Sabira Ki Ziyarat Ka Shoq Tha.
Soraj Ko Fatima Ki Ziyarat Ka Shoq Tha.
Soraj Ko Syeda Ki Ziyarat Ka Shoq Tha.
Dekhi Jo Noor-e-Haq Ki Tajali Naqab Mein.
Ghabra Ke Dhop Laut Gayi Aaftab Mein.

Aye Bint-e-Mustafa Kuch Aisa Nizam Ho.
Har Lafz Mere Tabay Ho Mera Ghulam Ho.
:YASIR RAZA: Ka Bazm-e-Hunar Mein Maqam Ho.
Tauqeer Ho Waqar Ho Rutba Ho Naam Ho.
Sadqay Mein :MIR ANEES: Ke Woh Fikar Ho Atta.
Sun Kar Kahin :DABEER: Mere Shair Marhaba.

Poet: :Yasir Raza Yasir:
Manqabat Khuwan: :Syed Wajhi Hasan Zaidi:
Manqabat Volume: :Syed Wajhi Hasan Zaidi 2025-26:

#TauseefeSyeda
#ManqabatLyrics
#tajpoint

Tauseef e Syeda Wajhi Hasan Zaidi Lyrics Urdu

Tauseef e Syeda Wajhi Hasan Zaidi Lyrics Urdu 2025

2025 Manqabat Tauseef e Syeda Wajhi Hasan Zaidi Lyrics Urdu

Tauseef e Syeda Wajhi Hasan Zaidi Lyrics Urdu 2025