Betiyan To Sab Ko Pyari Hoti Hain Syed Raza Abbas Zaidi Lyrics Urdu 2026
Zindan-e-Sham Mein Woh Qayamat Ka Waqt Tha.
Sonpa Gaya Sakina Ko Jab Sar Hussain Ka.
Baba Ke Zakhmi Chehray Se Khoon Saaf Jab Kiya.
Baloon Se Khak Jhar Ke Beti Ne Yeh Kaha.
Tum Tu Kehte They Sakina, Tum Bin Mera Dil Nahi Lagta.
Phir Kyun Itni Dair Ki Aane Mein Tum Ne Baba.
Betiyaan Tu Sab Ko Pyari Hoti Hain Na Baba.
Dekho Mujh Ko Sham Ke Logon Ne Kitna Mara.
Aap They Jab Tak Sath Aye Baba Yeh Beti Shehzadi Thi.
Naaz Uthatay They Sab Mere Sab Ki Pyari Beti Thi.
Hath Chacha Rakhtay They Zameen Par Ghar Mein Jab Main Chalti Thi.
Mujh Ko Sahara Deney Sab Uth Jate They Jab Girti Thi.
Lekin Yeh Masoom Sakina, Jab Giri Naqay Se Baba.
Mujhe Sahara Kyun Deney Koi Bhi Na Aaya.
Pyaray Ammo Chor Gaye They Pani Ko Main Tarsi Thi.
Bas Yeh Main Hi Janti Hoon Bazar Mein Kaisay Chalti Thi.
Shimar Tamachay Marta Tha Jab Bhi Thak Kar Main Rukti Thi.
Mujh Ko Yeh Bhi Yaad Nahi Tha Ke Main Kab Se Pyasi Thi.
Apni Betiyon Ko Yeh Shami, La La Kar Detey They Pani.
Jab Main Pani Mangti Thi Khati Thi Kyun Durrah.
Chom Ke Baba Ka Zakhmi Sar Beti Boli Aye Baba.
Kuch Din Pehle Qaid Mein Mujh Se Milney Aayi Thi Ramla.
Mere Gohar Pehni Thi Mujh Ko Iss Baat Ka Gham Na Tha.
Main Yeh Soch Ke Roney Lagi Jab Dekha Ramla Ka Chehra.
Zalim Ne Darbar Mein Baba, Mujhe Kaneezi Mein Jab Manga.
Oss Ke Ghar Mein Bhi Tu Ik Beti Hai Kyun Na Socha.
Baba Aap Ka Qatil Mere Samne Jab Bhi Aata Tha.
Aap Ka Jis Pe Khon Laga Tha Woh Khanjar Lehrata Tha.
Bandh Ke Mujh Ko Rasi Se Rahwar Woh Jab Dorata Tha.
Nook-e-Sina Se Mere Chacha Abbas Ka Sar Gir Jata Tha.
Nezay Par Oss Waqt Aye Baba, Aap Ko Main Ne Rotay Dekha.
Zalim Ne Jab Rah Mein Baloon Se Mujhe Khaincha.
Aag Lagi Thi Daman Mein Our Hath Tha Zakhmi Kano Par.
Sham-e-Ghareebaan Mein Jab Tum Ko Dhondney Nikli Main Bahir.
Baba Main Ne Dekha Tha Apni Aankhon Se Woh Manzar.
Dada Ko Aawaz Phophi Zainab Ne Jab Di Ro Ro Kar.
Beti Ki Aawaz Pe Haye, Dada Ali Tu Milney Aaye.
Lekin Mera Haal Kyun Tum Ne Na Aa Kar Pocha.
Sar-e-Hussain Pukara Beti Yaad Karo Na Woh Manzar.
Baba Baba Kehte Hoye Jab Girti Thi Tum Lashon Par.
Main Ne Hi Tu Pas Bulaya Tha Shehzadi Yeh Keh Kar.
So Ja Meri Bachi Zakhmi Seene Pe Tu Sar Rakh Kar.
Be Sar Tha Beti Yeh Baba, Pas Tumhare Kaisay Aata.
Tum Ne Jab Aawaz De Kar Bola Tha Aye Baba.
Beti Baba Se Boli Ab Chor Ke Mujh Ko Mat Jana.
Kab Tak Hai Meri Qismat Mein Zalim Ke Durray Khana.
Tum Bhaiyya Sajjad Se Keh Do Mujh Ko Yahin Par Dafnana.
Baap Se Batein Kartay Kartay Aakhri Hichki Ka Aana.
Aye :ZEESHAN:-o-:RAZA: Ro Ro Kar, Baba Ke Munh Pe Munh Rakh Kar.
Bali Sakina Ne Bas Yeh Kehte Hoye Dam Tora.
Poet: :Zeeshan Abidi:
Noha Khuwan: :Syed Raza Abbas Zaidi:
Noha Volum: :Syed Raza Abbas Zaidi 2026-27:
Composition: :Syed Raza Abbas Zaidi:
#BetiyanToSab
#NohayLyrics
#tajpoint
New Noha Betiyan To Sab Ko Pyari Hoti Hain Syed Raza Abbas Zaidi
Lyrics Betiyan To Sab Ko Pyari Hoti Hain Syed Raza Abbas
Betiyan To Sab Ko Pyari Hoti Hain Syed Raza Abbas Zaidi Lyrics Urdu 2026 Write Up Poster Image
