Sakina Se Kiya Wadah Nibhane Aao Gaye Lyrics 2019
Sakina Se Kiya Wadah Nibhane Aao Gaye Baba.
Mujhe Kausar Pe Khud Pani Pilane Aao Gaye Baba.
Jala Jab Ghar Madine Mein Howay Qaid Jab Dada.
Suna Hai Dadi Ne Un Ko Rasan Se Khud Churaya Tha.
Bandhay Gi Jab Rasan Mere Churane Aao Gaye Baba.
Abhi Tu Aap Hain Koi Bhi Mujh Ko Cho Nahi Sakta.
Magar Phir Sham Tak Mujh Ko Tamachay Shimar Mare Ga.
Wahan Kis Tarha Beti Ko Bachane Aao Gaye Baba.
Musalsal Aaya-e-Tatheer Baba Parhte Jate Hain.
Mere Balon Ko Ro Kar Aap Aankhon Se Lagatay Hain.
Yeh Mere Baal Zalim Se Churane Aao Gaye Baba.
Diya Jaye Ga Jab Sadqa Bhare Bazar Mein Mujh Ko.
Kaneezi Ke Liye Mangein Gaye Jab Darbar Mein Muje Ko.
Main Syedani Hoon Kya Oss Dam Batane Aao Gaye Baba.
Utha Kar Khak Se Beti Ko Jo Seene Lagatay Ho.
Mere Rukhsar Se Rote Howay Matti Hatatay Ho.
Tu Kya Sham-e-Ghareeban Bhi Sulane Aao Gaye Baba.
Main Baba Yeh Nahi Kehti Keh Meri Pyas Bhuj Jaye.
Magar Jab Aag Khaimay Ki Mere Daman Tak Aa Jaye.
Mera Jalta Howa Daman Bujhane Aao Gaye Baba.
Pidar Ne Jis Ghari Beti Utari Gaud Se :AKBAR:.
Zameen Par Bethtay Hi Syeda Kehne Lagin Ro Kar.
Giron Gi Jab Main Naqay Se Uthane Aao Gaye Baba.
Poet: :Hasnain Akbar:
Noha Khuwaan: :Master Syed Muhammad Shah:
Noha Volume: :Master Syed Muhammad Shah 2019-20:
Composition: :Akbar Abbas:
New Nohay Lyrics 1441 Hijri 2019
#NohayLyrics
#tajpoint
Sakina Se Kiya Wadah Nibhane Aao Gaye Lyrics 2019 Write Up Poster Image
