Chala Main Wada Nibhane Salam Maa Ke Mazaar Lyrics Urdu 2000
Chala Main Wada Nibhane Salam Maa Ke Mazaar.
Salam Nana Ke Roze Salam Maa Ke Mazaar.
Main Tera Deen Bachaon Ga Aye Mere Nana.
Main Apna Khon Bahaon Ga Aye Mere Nana.
Hussain Jata Hai Marne Salam Maa Ke Mazaar.
Meri Shareek-e-Safar Ban Ke Sath Chal Amma.
Safar pe Jata Hoon Kapre Mere Badal Amma.
Libas-e-Khuld Sajja De Badan Pe Phir Aik Baar.
Dua Karo Koi Sar Be-Rida Na Ho Amma.
Namaz-e-Shoq-e-Shahadat Qaza Na Ho Amma.
Na Aye Mere Chaman Pe Sitam Ki Gard-o-Ghubar.
Diye Jalane Ko Nana Tumhare Roze Par.
Zaror Aye Gi Sughra Har Aik Sham-o-Sahar.
Khuda Kare Rahe Roshan Sada Tumhara Mazaar.
Tumhare Jaisa Hai Nana Yeh Mera Lal Akbar.
Dua Karo Na Lage Issko Aasmaan Ki Nazar.
Lute Na Door Watan Se Hamare Dil Ka Qarar.
Tamam Phool Se Bache Hain Our Garam Hawa.
Hamare Khoon Ki Pyasi Hai Foaj-e-Zulm-o-Jafa.
Safar Mein Koi Shajar Bhi Nahi Hai Saya Daar.
Haan Aik Phool Tu Aisa Ho Jo Khila Bhi Nahi.
Na Paye Pani Tu Kar Sakta Woh Gila Bhi Nahi.
Woh Jis Ke Dehan Se Atti Hai Doodh Ki Mehkar.
Meri Sakina Kahan Our Rasan Ke Band Kahaan.
Zameen-e-Garam Pe Chalna Osse Pasand Kahan.
Qadam Woh Phool Se Nazuk Woh Raste Purkhaar.
Yehi Hai :SARWAR-O-REHAAN: Zindagi Ka Sharaf.
Kabhi Ziyarat-e-Karb-o-Bala Kabhi Hai Najaf.
Inhi Fizaon Mein Aati Hai Shah-e-Deein Ki Pukaar.
Poet: :Rehan Azmi:
Noha Khuwan: :Nadeem Sarwar:
Noha Volume: :Nadeem Sarwar 1999-2000:
#SalamNanaKeRoze
#SalamMaaKeMazaar
#NohayLyrics
#tajpoint
Chala Main Wada Nibhane Salam Maa Ke Mazaar Lyrics Urdu 2000 Write Up Poster Image
