Abbas Kahan Ho Lyrics In Urdu and Roman Urdu
عباسؑ کہاں ہو
Bazar Mein Bint-e-Ali Deti Thi Sada Bhai.
Sar Par Bhi Nahi Chadar Lakhon Hain Tamashai.
Iss Aalam-e-Ghurbat Mein Koi Bhi Nahi Mera.
Hai Khak-e-Safar Sar Par Our Hath Rasan Basta.
Pardais Mein Zainab Ko Taqdeer Kahan Layi.
Paiwast Hai Naizay Mein Sar Shahe Shaheedaan Ka.
Yeh Dekh Ke Aye Ghazi Phatta Hai Mera Seena.
Mar Jaye Gi Iss Gham Mein Shabir Ki Maa Jayi.
Darya Ke Kinare Tum Aada Se Gaye Larne.
Sab Dekh Rahi Thi Main Darwaz-e-Khaima Se.
Ab Jang Hamari Bhi Dekhi Tu Zara Bhai.
Dunya Ka Sahara Hai Baba Jo Hamara Hai.
Mushkil Mein Magar Main Ne Tum Ko Hi Pukara Hai.
Ab Dhondti Hai Tum Ko Bhaiyya Meri Benayi.
Be Monis-o-Yawar Hain Batlao Kidhar Jaein.
Iss Tarha Tu Jeene Se Behtar Hain Keh Mar Jaein.
Faryad Karein Kis Se Hoti Nahi Sunwai.
Aye Shair-e-Jarri Meri Imdad Ko Aa Jao.
Manga Hai Kaneezi Mein Zalim Ne Sakina Ko.
Hai Waqt Qayamat Ka Masoom Hai Ghabrai.
Durron Ki Aziyyat Se Sajjad Howa Be-Dam.
Main Kis Ko Sadaein Doon Koi Bhi Nahi Mehram.
Ik Samt Hain Balwai Ik Samt Tamashai.
Bachi Ne Sar-e-Naiza Nanha Sa Jo Sar Dekha.
Dam Ruk Gaya Sadmay Se Kuhram Howa Barpa.
Mushkil Se Sakina Ki Hai Jan Mein Jan Aayi.
Yeh Kaise Musalmaan Hain Hanste Hain Humein Tak Kar.
Ik Waqt Musibat Hai Aulad-e-Payambar Par.
Aa Jao Mere Bhai Aa Jao Mere Bhai.
Bazar-e-Sitam Mujh Ko Maqtal Nazar Aata Hai.
Sajjad Ka Khoon Rona Dekha Nahi Jata Hai.
Hai Khash Nahi Hoti Aankhon Ki Binai.
Ahmad Ki Nawasi Ka :YASIR: Yehi Noha Tha.
Na Bhai Bache Mere Na Koi Bacha Beta.
Ab Jee Ke Karon Gi Kya Gar Maut Nahi Aayi.
Shabir Ki Khawakhir Ka :YASIR: Yehi Noha Tha.
Ghar Bar Luta Mera Barbad Howa Kunba.
Kha Jaye Gi Ab Mujh Ko Bhaiyya Meri Tanhai.
Poet: :Yasir Raza Yasir:
Noha Khuwan: :Mir Hasan Mir:
Noha Khuwan: :Mohsin Mir Ji:
Noha Volume: :Mir Hasan Mir 2006-07:
Composition: :Asghar Khan:
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
