Lash Bhai Ki Na Bhai Ko Khuda Dikhlaye Lyrics In Urdu 2014
Lash Bhai Ki Na Bhai Ko Khuda Dikhlaye.
Gir Gaye Hazrat-e-Abbas(AS) Kinare Darya.
Tab Kamar Pakre Hoye Lash Par Pohanche Mula(AS).
Dekha Keh Khon Mein Doba Howa Hai Akhi Ka Lasha.
Dekh Kar Soye Falak Shah-e-Hudda Ne Yeh Kaha.
Our Taqdeer Har Ik Ranj-o-Bala Dikhlaye.
Aye Mere Bhai Mere Lal Mere Lakht-e-Jigar.
Choor Kar Mujh Ko Yahan Kar Gaye Dunya Se Safar.
Tum Nahi Ho Tu Bhala Main Bhi Jiyon Ga Kyun Kar.
Koi Bhi Dekhe Na Woh Zakhm Jo Main Ne Paye.
Lash Bhai Ki Na Bhai Ko Khuda Dikhlaye.
Ab Talak Yeh Hai Ke Kyun Maut Na Mujh Ko Aayi.
Kaisi Taqdeer Ne Saat Yeh Mujhe Dikhlai.
Bhai Se Ho Ke Juda Jeeta Hai Kaise Bhai.
Aa Ke Yeh Baat Koi Mujh Ko Zara Samjhaye.
Ja Rahe The Jo Soye Lash-e-Ghazi(AS) Mula(AS).
Jis Tarha Jate Hoye Bint-e-Ali(AS) Ne Dekha.
Ashk Aankhon Se Baha Kar Yehi Karti Thi Dua.
Kitne Zakhm Our Mera Bhai Sahe Ga Haye.
Koi Iss Bat Ka Andaza Nahi Kar Sakta.
Dil-e-Shabir(AS) Pe Oss Waqt Bhala Guzari Kya.
Jabke Abbas(AS) Ko Be-Hath Ke Dekha Ho Ga.
Khon Aankhon Se Yehi Kehte Hoye Barsaye.
Jis Jagah Se Hoye The Bazo-e-Abbas(AS) Juda.
Apne Hathon Ko Wahan Rakh Ke Pukare Mula(AS).
Hath Shabir(AS) Ke Lag Jaein Tujhe Aye Bhaiyya.
Hath Bhai Ke Liye Bhai Na Youn Katwaye.
Le Ke Tab Parcham-e-Abbas(AS) Shehanshah-e-Zamaan.
Lash Ko Chor Ke Tanha The Soye Khaima Rawaan.
Oss Ghari Lash Se Aati Thi Yeh Aawaz-e-Fogaan.
Ab Kissi Par Na Koi Teer-e-Sitam Barsaye.
:MIR MONIS: Ke Baqool Aao :WAJHI:-O-:MAJID:.
Sab Ko Yeh Marsiya Sunwao :WAJHI:-O-:MAJID:.
Bazm-e-Ko Keh Ke Yeh Rulwao :WAJHI:-O-:MAJID:.
Our Taqdeer Har Ik Ranj-o-Bala Dikhlaye.
Poet: :Allama Dr Majid Raza Abidi:
Noha Khuwan: :Syed Wajhi Hasan Zaidi:
Noha Volume: :Syed Wajhi Hasan Zaidi 2014-15:
#LashBhaiKi
#NohayLyrics
#tajpoint
Lash Bhai Ki Na Bhai Ko Khuda Dikhlaye Lyrics In Urdu 2014 Write Up Poster Image
