Khushiyaan Manao Logo Shaban Aa Giya Hai.
خوشیاں مناﺅ لوگو شعبان آ گیا ہے
Ik Sath Le Ke Kitne Quran Aa Giya Hai.
Ahl-e-Azza Jahan Mein Khushiyaan Mana Rahe Hain.
Dard-o-Alam Ke Mare Sab Ko Bata Rahe Hain.
Rehmat Ka Maah Qabal-e-Ramzan Aa Giya Hai.
Shahi Larz Rahi Hai Hal Chal Machi Hoi Hai.
Pehli Ko Iss Ki Bint-e-Haider(AS) Jo Aa Gayi Hai.
Kasar-e-Yazeediyat Mein Tofan Aa Giya Hai.
Murday Ki Tarha Ghar Mein Seedhe Pare Howay Hain.
Pehli Se Sheikh Sahib Peele Pare Howay Hain.
Tashkhees Mein Marz Ki Yarqan Aa Giya Hai.
Aayat Aa Rahi Hain Karne Ko Peshwai.
Shabaan Ki Tesri Ko Oss Ki Hai Ronomai.
Jibreel(AS) Jis Pe Hone Qurban Aa Giya Hai.
Jate Zameen Ki Janib Dekha Jo Sathiyon Ko.
Fitrus Tarap Ke Bola Mujh Ko Bhi Sath Le Lo.
Par Mujh Ko Dene Wala Pardaan Aa Giya Hai.
Chothi Ko Iss Ki Aaya Jo Hai Wafa Ka Kaba.
Umm-ul-baneen Maa Hain Haider(AS) Hai Jis Ka Baba.
Yani Ali(AS) Ke Ghar Ka Imran(AS) Aa Giya Hai.
Bole Ali(AS) Yeh Le Kar Godi Mein Bawafa(AS) Ko.
Janat Se Aa Ke Sar Par Ik Bar Hath Rakh Do.
Zahra(SA) Tumhare Dil Ka Arman Aa Giya Hai.
Khushiyaan Manaye Kyun Na Ghar Aaj Panjtan(AS) Ka.
Aaya Hai Satveen Ko Woh Ladla Hasan(AS) Ka.
Khud Jis Ka Sadqa Lene Rizwan Aa Giya Hai.
Jis Ka Nahi Tha Saya Ban Kar Ossi Ka Saya.
Iss Maah Ki Giyarhiween Ko Aisa Haseen Aaya.
Khud Husan Ban Ke Jis Ka Darban Aa Giya Hai.
Azmat Shab-e-Zahoor-e-Mehdi(AS) Ki Hai Nirali.
Iss Raat Paida Hone Wale Hain Sab Halali.
Allah Ka Zameen Par Farman Aa Giya Hai.
Jo Sab Ko Dekhta Hai Ghaibat Mein Hai Bazahir.
Iss Maah Ki Pandarhween Ko Wohi Imam-e-Aakhir.
Adal-e-Khuda Ki Le Kar Meezaan Aa Giya Hai.
Moka Mila Hai Kar Le Tay Marifat K Zeena.
Kar Shukar Rab Ka :AKBAR: Yeh Fatimi(SA) Mahina.
Phir Teri Zindagi Ke Doran Aa Giya Hai.
Poet: :Hasnain Akbar:
Manqabat Khuwan: :Mir Hasan Mir:
Manqabat Volume: :Mir Hasan Mir 2017-18:
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
