Ya Ali Moula Mera Sibtain Haider Lyrics In Urdu 2023
Ya Ali Moula Mera Sibtain Haider
Maula Mera, Ya Ali Maula Mera.
Jan-e-Man Shah-e-Zaman Noor-e-Azal Shair-e-Khuda.
Yeh Hai ALLAH Ki Har Aik Jhalak Se Waqif.
Yeh Zameen Se Bhi Zyada Hai Falak Se Waqif.
Sab Ke Eman Se Shajron Se Namak Se Waqif.
Chand Ki Roshni Taroon Ki Chamak Se Waqif.
Yeh Jo Chahe Tu Zameen Arsh Se Opar Rakhday.
Khak Bosa Le Qadam Apne Jahan Par Rakhday.
Oss Ki Har Baat Alag Shan Bhi Sab Se Hai Juda.
Mere Maula Ka Zamane Mein Jo Dewana Hai.
Ishq-e-Haider Mein Wilayat Ka Woh Parwana Hai.
Tu Ne Haider Ko Bila Fasal Agar Mana Hai.
Mera Dawa Hai Keh Janat Mein Tujhe Jana Hai.
Jis Tarha Ki Hai Muhammad Se Muhabbat Wajib.
Hai Ossi Tarha Se Haider Ki Wilayat Wajib.
Khalq Mein Bad-e-Khuda Bad-e-Nabi Sab Se Bara.
Tere Rutbay Tere Aousaf Boland-o-Bala.
Tu Haqeeqat Mein Kamalat Mein Sab Se Aala.
Oss Ka Beta Hai Tu Woh Jis Ne Muhammad Pala.
Dono Aalam Ko Tu Hi Tu Hai Bananey Wala.
Haan Yadullah Ka Bas Tujh Pe Laqab Jachta Hai.
Kab Teri Taig Ke Hamlay Se Koi Bachta Hai.
Jab Se Jana Hai Tujhe Bas Hai Yehi Wird Mera.
Haye Uneeswin Ramzan Woh Ghurbat Ki Ghari.
Pyar Bachoon Ko Kiya Ghar Se Chaley Maula Ali.
Rakha Masjid Mein Qadam Haye Zameen Roney Lagi.
Jab Howa Fajar Ka Aagaz Qayamat Guzri.
Dosrey Sajday Mein Talwar Chali Maula Par.
Ibn-e-Muljim Ne Kiya Waar Shikasta Howa Sar.
Our Sajday Mein Sada Detey Rahe Shair-e-Khuda.
Haan Ali Kehne Lagay Samne Aao Aye Hasan.
Sar Uthata Hoon Nahi Uthta Uthao Aye Hasan.
Jab Uthaya Tu Ali Ne Kaha Jao Aye Hasan.
Dekho Baqi Hai Abhi Fajar Parhao Aye Hasan.
Meri Halat Ke Sabab Kaisay Adhori Ho Namaz.
Mere Betay Ki Imamat Mein Hi Pori Ho Namaz.
Jab Ada Fajar Hoi Karta Raha Shukar Ada.
Ro Ke Beton Se Kaha Betiyaan Yaad Aati Hain.
Main Jo Ghar Dair Se Pohancho Tu Woh Ghabrati Hain.
Woh Rida Orh Ke Darwazay Pe Aa Jati Hain.
Jab Talak Dekh Na Lein Chain Kahan Pati Hain.
Phir Ali Kehne Lagay Haye Chalo Ghar Ki Taraf.
Ghar Se Zainab Na Nikal Aaye Chalo Ghar Ki Taraf.
Aaj Hone Ko Hai Kofay Mein Qayamat Barpa.
Ghar Ali Pohanchay Tu Kuhram Utha Wawela.
Betiyaan Roein Jo Sar Baap Ka Zakhmi Dekha.
Din Guzartay Gaye Ikeeswin Ka Din Nikla.
Haye :ZEESHAN: Yeh Din Sab Pe Qayamat Laya.
Haye Kofay Keh Yateemo Ka Sahara Na Raha.
Shoor Uthta Tha Keh Abbas Ka Baba Na Raha.
Aa Ke Jibreel Ne Kofay Mein Sunaya Noha.
Haye Ali Marey Gaye, Haye Ali Marey Gaye.
Haye Ali Marey Gaye, Haye Ali Marey Gaye.
Poet: :Zeeshan Abidi:
Noha Khuwan: :Sibtain Haider:
Noha Volum: :Sibtain Haider 2022-23:
Composition: :Ahmed Ali – Shah Ji:
#YaAliMoulaMera
#NohayLyrics
#tajpoint
21 Ramzan Noha Ya Ali Moula Mera Sibtain Haider
Ya Ali Moula Mera Sibtain Haider
Ya Ali Moula Mera Sibtain Haider Lyrics In Urdu 2023 Write Up Poster Image
