Nabi Ki Nawasi Ka Khutba Suno Lyrics In Urdu 2010
Nabi Ki Nawasi Ka Khutba Suno
Jurat Mere Dadhiyaal Ke Aangan Se Chali Hai.
Ismat Mere Nanhiyaa Ke Gulshan Mein Pali Hai.
Wallah Mere Ghar Ka Har Ik Fard Wali Hai.
Jiss Baap Ki Zeenat Hoon Woh Rutbe Mein Ali Hai.
Main Haider-e-Karrar Ki Akas Lagoon Gi.
Bolon Gi Tu Ghazi Ko Bhi Abbas Lagoon Gi.
Har Khuwab Ko Sharminda-e-Tabeer Karon Gi.
Baba Hi Ke Andaz Mein Taqreer Karon Gi.
Darbar Mein Bas Midhat-e-Shabir Karon Gi.
Tareekh Ke Seene Pe Yeh Tehreer Karon Gi.
Maidan Mein Dar Jati Hai Farrar Ke Beti.
Darbar Mein Dat Jati Hai Karrar Ki Beti.
Aaein Gaye Nazar Haider-e-Karrar Ke Taiwar.
Lehjay Se Dikha Doon Gi Main Talwar Ke Taiwar.
Yaad Aaein Gaye Aada Ko Alamdar Ke Taiwar.
Dekhe Ga Khuda Khud Meri Guftar Ke Taiwar.
Tabreeq Mile Mujh Ko Muhammad Ki Taraf Se.
Khutba Jo Parhoon Sham Mein Daad Aye Najaf Se.
Soyi Hoi Taqdeer Jaga Sakti Hoon Main Bhi.
Zehno Ke Khialaat Bata Sakti Hoon Main Bhi.
Har Rah Ki Dewar Gira Sakti Hoon Main Bhi.
Phir Dar Pe Sitaron Ko Bula Sakti Hoon Main Bhi.
Youn Dast-e-Yadullah Ka Ejaz Dikha Doon.
Chahoon Tu Abhi Sham Ko Dunya Se Mita Doon.
Haq Se Bhi Giya Haq Ko Chupane Ke Liye Tu.
Karta Hai Jatan Takht Bachane Ke Liye Tu.
Aamadah Ho Deen Ko Mitane Ke Liye Tu.
Dar Dar Pe Jhuka Jis Ko Jhukane Ke Liye Tu.
Leta Hai Khiraj Oss Ka Hunar Aaj Bhi Tujh Se.
Khud Dekh Le Oncha Hai Woh Sar Aaj Bhi Tujh Se.
Lamhaat Mein Yeh Moajza Kar Jata Hai Shabir.
Marta Nahi Zehno Mein Utar Jata Hai Shabir.
Simte Tu Ikai Mein Nikhar Jata Hai Shabir.
Phailay Tu Bahatar Mein Bikhar Jata Hai Shabir.
Toheed Ki Izat Ko Bachaya Hai Issi Ne.
Islam Ko Islam Banaya Hai Issi Ne.
Tareekh Malay Gi Tere Chehre Pe Siyahi.
Thokein Gaye Teri Qabar Pe Ghairat Ke Sipahi.
Dein Gi Teri Zilat Ki Sab Aqwam Gawahi.
Ab Aa Hi Gayi Hoon Tu Karon Gi Yahan Shahi.
Kar Doon Gi Qalam Mufti-e-Kazib Ke Qalam Ko.
Ghar Ghar Pe Laga Doon Gi Main Ghazi Ke Alam Ko.
Poet: :Shaukat Raza Shaukat:
Manqabat Khuwan: :Syed Wajhi Hasan Zaidi:
Manqabat Volume: :Syed Wajhi Hasan Zaidi 2009-10:
#NabiKiNawasi
#ManqabatLyrics
#tajpoint
Nabi Ki Nawasi Ka Khutba Suno Lyrics In Urdu 2010 Write Up Poster Image
