Sakhi Abbas Ke Hath 1-6 Lyrics In Urdu and Roman Urdu
سخی عباسؑ کے ہاتھ 1 تا 6
Arsh Par Jab Keh Banaye Gaye Abbas Ke Hath.
Rab Ke Hathon Se Sajaye Gaye Abbas Ke Hath.
Dast-e-Haider Se Milaye Gaye Abbas Ke Hath.
Phir Alam Kar Ke Dikhaye Gaye Abbas Ke Hath.
Loh-e-Mehfoz Ka Pehle Tu Qalam Kehlaye.
Aa Ke Dunya Mein Yehi Hath Alam Kehlaye.
Hath Woh Hath Keh Jo Sare Zamane Ki Hai Aas.
Ban Gaye Qudrat-e-Khulaq-e-Ulla Ke Akas.
Dast-e-Haider Ki Jo Manind The Dast-e-Abbas.
Yak Bayak Qalab MEin Khaliq Ke Yeh Ubhra Ahsas.
Kis Se Tauheed Ki Qismat Ko Sunwara Jaye.
Kis Ke Hathon Ko Yadullah Pukara Jaye.
Sheh Ki Aagosh Mein Hone Lagi Ghazi Ki Numu.
Sath Abbas Ke Woh Rakhte Hamesha Har So.
Apne Hathon Se Banate Kabhi Unn Ke Gaiso.
Dekh Kar Kehte The Abbas Ke Dono Bazu.
Yeh Mera Shair Tarai Mein Qadam Garay Ga.
Inhi Hathon Se Yeh Pani Pe Alam Garay Ga.
Dekhtin Sani-e-Zahra Jo Alamdar Ke Hath.
Yad Aa Jate Unhein Haider-e-Karrar Ke Hath.
Kabhi Kehtin Keh Yeh Jafar-e-Teyar Ke Hath.
Rakhe ALLAH Salamat Mere Jarrar Ke Hath.
Mera Dawa Hai Keh Pani Ki Jo Baat Aa Jaye.
Mere Abbas Ke Chulu Mein Furat Aa Jaye.
Pori Tareekh Hai Ghazi Ke Wafaon Ki Gawah.
Bazoye Ghazi The Shabir Ki Mehfooz Panah.
Samne Larne Ko Ho Aik Keh Ho Pori Sipah.
Chorna Shah Ke Dushman Ko Samajhte The Gunah.
Hath Woh Toot Gaye Sheh Pe Uthe Jo Jo Hath.
Kis Mein Himat Thi Keh Ghazi Se Kare Do Do Hath.
Deen Ki Janib Jo Uthe Hath Woh Sab Tore Hain.
Ik Ishare Mein Hi Tofano Ke Rukh Moray Hain.
Inn Ke Hathon Ke Liye Lakhon Addo Thore Hain.
Hath Bas Paish-e-Hussain Ibn-e-Ali Joray Hain.
Hath Sarwar Ki Itat Mein Bandhe Rehte The.
Sirf Jangoon Mein Namazon Mein Khule Rehte The.
Poet: :Allama Syed Zille Saqlain Zaidi:
Manqabat Khuwan: :Syed Wajhi Hasan Zaidi:
Manqabat Volume: :Syed Wajhi Hasan Zaidi 2010-11:
#SakhiAbbasKeHath
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
