Sakhi Abbas Ke Hath 7-11 Lyrics In Urdu and Roman Urdu
سخی عباسؑ کے ہاتھ 11 تا 7
Mukhtasir Hai Jo Wohi Baat Na Phela Dena.
Na Umeedi Ke Khiyalat Na Phela Dena.
Apni Taqdeer Ki Tum Raat Na Phela Dena.
Ghair Ke Dar Pe Kabhi Hath Na Phela Dena.
Panja Mojod Ali Par Hai Ishare Ke Liye.
Hath Ghazi Ne Barhaya Hai Sahare Ke Liye.
Khuwaish-e-Zainab-e-Dilgeer Hai Dast-e-Abbas.
Haan Yadullah Ki Shamsheer Hai Dast-e-Abbas.
Noor-e-Khaliq Hi Ki Tanveer Hain Dast-e-Abbas.
Khalq Ke Katib-e-Taqdeer Hain Dast-e-Abbas.
Jism-e-Ghazi Se Qalam Ho Qalamkar Bane.
Kashti-e-Deen Ke Chalane Ko Yeh Patwar Bane.
Ghoor Se Dekho Tu Masroof-e-Dua Hai Panja.
Dard-o-Gham Ke Liye Marham Hai Dawa Hai Panja.
Har Ghari Khaliq Pe Maiyal Ba Atta Hai Panja.
Kya Bataein Tumhein Hum Loag Keh Kya Hai Panja.
Meharbaan Hum Pe Hai Yeh Noor Ka Sancha Ban Kar.
Our Yazeedon Ko Yeh Lagta Hai Tamancha Ban Kar.
Yeh Bhi Ik Tohfa Hai Shiyon Ki Aqeedat Ke Liye.
Baat Jab HO Gi Wahan Bakhshish-e-Ummat Ke Liye.
Hashar Mein Aaein Gi Tab Zahra Shifat Ke Liye.
Ik Sada Gonjay Gi Uth Jao Itat Ke Liye.
Dast-e-Abbas Howay The Jo Qalam Layi Hain.
Fatima Hashar Mein Do Asli Alam Layi Hain.
Madh-e-Mula Mein JO Mahir Hoon Main Zill-e-Saqlain.
Apni Taqdeer Pe Shakir Hoon Main Zill-e-Saqlain.
Karbala Walon Ka Shayar Hoon Main Zill-e-Saqlain.
Sakhi Abbas Ka Zakir Hoon Main Zill-e-Saqlain.
Mujh Se Mat Pocho Keh Mujh Par Yeh Karam Kis Ka Hai.
Ghoor Se Dekho Mere Sar Pe Alam Kis Ka Hai.
Poet: :Allama Syed Zille Saqlain Zaidi:
Manqabat Khuwan: :Syed Wajhi Hasan Zaidi:
Manqabat Volume: :Syed Wajhi Hasan Zaidi 2010-11:
#SakhiAbbasKeHath
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
