Kahan Imkan Wehshat Ka Bhala Momin Ki Turbat Mein 2011
Kahan Imkan Wehshat Ka Bhala Momin Ki Turbat Mein.
Bicha Rehta Hai Jab Farsh-e-Azza Momin Ki Turbat Mein.
Fishar-e-Qabar Kya Hai Baal Bhi Beeka Nahi Ho Ga.
Gayi Hai Sath Jab Khak-e-Shifa Momin Ki Turbat Mein.
Hoi Shehar-e-Khamoshan Mein Azaan Shabir Ke Gham Ki.
Ali Ke Lal Ka Matam Howa Momin Ki Turbat Mein.
Hussain Aaye Jo Le Kar Sath Apne Sab Shaheedon Ko.
Simat Kar Aa Gayi Karb-o-Bala Momin Ki Turbat Mein.
:TAKALLUM: Hai Wohi Mahool Jo Hota Hai Majlis Mein.
Kahan Tabdeel Hai Aab-o-Hawa Momin Ki Turbat Mein.
Poet: :Mir Takallum Mir:
Manqabat Khuwan: :Syed Wajhi Hasan Zaidi:
Manqabat Volume: :Syed Wajhi Hasan Zaidi 2011-12:
#MominKiTurbatMein
#ManqabatLyrics
#tajpoint
Kahan Imkan Wehshat Ka Bhala Momin Ki Turbat Mein 2011 Write Up Poster Image
