Main Ghareeb Ul Ghuraba Hoon Main Moeen Uz Zoafa Hoon 2013

Main Ghareeb ul Ghuraba Hoon Main Moeen uz Zoafa Hoon 2013

Main Ghareeb ul Ghuraba Hoon Main Moeen uz Zoafa Hoon.

Mujh Ko Khalaq-e-Do Aalam Ne Banaya Hai Imam.
Apne Dada Ke Mashabe Hoon Ali Hai Mera Naam.
Mere Lehjay Mein Hai Iss Darja Sadaqat Ka Nizam.
Lafz Kehte Hain Keh Quran Hai Masroof-e-Kalam.
Marzi-e-Rab Ka Khulasa Hoon Riza Kehte Hain.
Our Azadar Ghareeb-ul-Ghuraba Kehte Hain.

Meri Rag Rag Mein Rawan Abu Tali Ka Laho.
Nazish-e-Adal Hoon Main Khud Yeh Qasam Khaein Addo.
Iss Noiyat Ka Hai Kuch Mera Sarapa Meri Khoo.
Mujh Se Mas Ho Tu Taharat Ka Bhi Ho Jaye Wozu.
Hazrat-e-Mosi-e-Kazim Ka Main Shahzada Hoon.
Shehar-e-Imdad Ka Main Aathwaan Darwaza Hoon.

Jiss Ke Chehre Ki Ziyarat Hai Abadat Main Hoon.
Ahl-e-Emaan Ke Liye Rah-e-Hidayat Main Hoon.
Dekh Lo Nahaj-e-Balaga Ki Balagat Main Hoon.
Rab Ne Tasaduq Kari Jis Ki Woh Aayat Main Hoon.
Qaul-e-Mula-e-Suleman Gawahi De Ga.
Mere Rutbaat Ki Quran Gawahi De Ga.

Mojza Kya Hai Meri Fikar Ki Hai Rad-o-Badal.
Jise Kehte Ho Shariyat Hai Mera Tarz-e-Amal.
Mere Qabze Mein Hain Sadiyaan Mere Qabze Mein Hain Pal.
Kon Aisa Hai Ke Jis Ki Na Karein Mushkilein Hal.
Naz Karta Hai Jis Pe Woh Shahkar Hoon Main.
Apne Dada Ki Tarha Kul Ka Madadgar Hoon Main.

Nuqta-e-Ba Bhi Hoon Kausar Bhi Hon Wal Naas Bhi Hoon.
Aks-e-Jafar Bhi Hon Haider Bhi Hoon Abbas Bhi Hoon.
Be-Saharon Ki Main Umeed Bhi Hoon Aas Bhi Hoon.
Jis Se Har Qalab Ko Dharas Hai Woh Ahsas Bhi Hoon.
Maut Khud Dene Tahafuz Osse Pehra Bandhe.
Hath Par Jo Bhi Mere Naam Ka Sika Bandhe.

Zoor Aawar Yahan Logon Ki Kamai Kab Hai.
Mere Dar Tak Kissi Munkir Ki Rasai Kab Hai.
Badshahon Ko Bhi Hasil Yeh Barai Kab Hai.
Aise Weson Ko Yahan Milti Gadai Kab Hai.
Sahib-e-Izzat-o-Ikram Bana Deta Hoon.
Jis Se Khush Hota Hon Khudam Bana Deta Hoon.

Jab Azadar Pohanchte Hain Mere Roze Par.
Khoob Deti Hain Dua Unn Ko Hamari Khuwahir.
Loag Hi Loag Nazar Aate Hain Ta Had-e-Nazar.
Our :YASIR: Yehi Chalti Hai Zamane Mein Khabar.
Mere Roze Mein Kuch Iss Tarz Ki Aasaish Hai.
Sari Dunya Bhi Sama Jaye Tu Gunjaish Hai.

Poet: :Yasir Raza Yasir:
Manqabat Khuwan: :Syed Wajhi Hasan Zaidi:
Manqabat Volume: :Syed Wajhi Hasan Zaidi 2012-13:

#MainGhareebulGhurabaHoon
#ManqabatLyrics
#tajpoint

Main Ghareeb ul Ghuraba Hoon Main Moeen uz Zoafa Hoon 2013