Mere Maula Karam Ho Karam Lyrics In Urdu 2008
Mere Maula Karam Ho Karam.
Bheek Patey Hain Tere Dar Se Zamane Ke Ameer.
Kya Sakhi Hai Tera Darbar Ghareeb-ul-Ghuraba.
Mere Maula Karam Ho Karam,Mere Maula Karam Ho Karam.
Juzham-e-Shah-e-Karab-o-Bala Our Koi Na Ho Hum Ko Gham.
Aye Mere Aathwein Murtaza Koi Aisa Bane Silsila.
Meri Mashhad Mein Ho Hazri Main Bhi Ban Jaon Zair Tera.
Teri Chokhat Pe Sajda Karon Dekh Loon Main Bhi Bab-e-Karam.
Ya Raza Ibn-e-Mushkil Kusha Dolat-e-Rizq Kar Dein Atta.
Khatam Hoon Sare Ranj-o-Alam Almadad Zaiham-e-Murtaza.
Iltija Hai Banam-e-Ali Apne Mangtey Ka Rakh Lein Bharam.
Zindagi Mehway Tauseef Hai Har Ghari Teri Sarkar Mein.
Sar Jhukaye Howay Maut Bhi Pesh Rehti Hai Darbar Mein.
Marhaba Ibn-e-Shair-e-Khuda Khob Hai Tera Jah-o-Hasham.
Hoor-o-Gilma Hoon Ya Anbiya Osiya Hoon Keh Hoon Auliya.
Woh Arab Hoon Ya Ahl-e-Ajam Ho Koi Bhi Kisi Nasal Ka.
Kon Hai Jis Ne Dar Par Tere Mere Maula Kiya Sar Na Kham.
Tere Sadqay Mein Hai Aaj Bhi ZoAfshan Chand Ki Chandni.
Aap Ke Noor Ki Bheek Se Roshni Ko Mile Roshni.
Hain Sitre Juz-e-Be-Falak Woh Tumhare Hain Naqsh-e-Qadam.
Midhat-e-Pak Ki Shakal Mein Kar Raha Hoon Areeza Raqam.
Aarzu Hai Yeh Maula Raza Tere Roze Pe Nikle Yeh Dam.
Bad Rehlat Mera Yeh Badan Khak-e-Mashhad Mein Ho Jaye Zam.
Aaein Gaye Hazri Ke Liye Ab Malaik Bhi Subha-o-Masa.
Chaye Gi Rehmaton Ki Ghata Khob Barse Ga Abar-e-Wafa.
Bas Yehi Soch Kar Ya Raza Nasab Ghar Pe Kiya Hai Alam.
Main Sataya Hoon Taqdeer Ka Loag Detey Hain Tanay Mujhe.
Aye Shehanshah-e-Arz-o-Sama Hazrat-e-Hur Ka Sadqa Mile.
Meri Qismat :MUNAWAR: Karein Arz-e-:YASIR: Hai Yeh Dam Ba Dam.
Dafattan Mujh Ko Neend Aa Gayi Khuwab Mein Aaye Maula Raza.
Muskura Kar Kaha Marhaba Khob Acha Qaseeda Likha.
Iss Qadar Na Pareshan Ho Tujh Ko Mashhad Bulaein Gaye Hum.
Poet: :Yasir Raza Yasir:
Manqabat Khuwan: :Munawar Ali Khan:
Manqabat Volume: :Munawar Ali Khan 2008-09:
#Manqabat #ImamRaza
#ManqabatLyrics
#tajpoint
Mere Maula Karam Ho Karam Lyrics In Urdu 2008 Write Up Poster Image
