Zindaan Se Reha Ho Kar Bano Ab Kya Jaye Gi Madina Na Asghar Hai Na Sakina 2006

Zindaan Se Reha Ho Kar Bano Ab Kya Jaye Gi Madina Na Asghar Hai Na Sakina.

Bibi Ke Liye Kitna Mushkil Iss Hal Mein Ho Ga Jeena Na Asghar Hai Na Sakina.

Khali Jhola Shehzaday Ka Our Khon Mein Tar Ik Bali.
Jab Dekhe Gi Ghar Mein Aa Kar Zindan Se Aane Wali.
Tukray Tukray Ho Jaye Ga Be-Khanjar Oss Ka Seena.

Ik Ki Turbat Tareeki Mein Our Dhop Mein Ik Ka Lasha.
Woh Bhi Pyasi Dunya Se Gayi Our Mar Gaya Woh Pyasa.
Kis Ko Bali Pehnaye Ab Our Kis Ko Jhulaye Jhola.

Jab Khailtay Bache Dekhe Gi Kya Guzre Gi Bao Par.
Yaad Aaein Gaye Jab Apne Bache Chal Jaye Ga Dil Par Khanjar.
Jab Sath Nahi Dein Gi Sansein Kaise Woh Rahe Gi Zinda.

Ab Iss Se Bara Kya Ho Ga Sitam Aye Chasham-e-Falak Tu Batla.
Aulad Se Ronaq Hoti Hai Uthta Hai Jo Koi Lasha.
Lekin Bano Ki Maiyyat Par Ab Kon Hai Rone Wala.

Jo Baat Kahi Thi Bachon Se Oss Ne Ta Umar Nibhai.
Na Pani Piya Thanda Oss Ne Na Khud Saye Mein Aayi.
Bas Dhop Mein Bethi Sham-o-Sahar Kehti Hi Rahi Yeh Hazeena.

Lori Ki Sada Noha Ban Kar Zindan Se Ghar Tak Aayi.
Maa Se Sughra Yeh Pochti Hai Yeh Kaisi Hai Tanhai.
Ab Maa Ne Agar Sach Bool Diya Tu Mar Jaye Gi Sughra.

Nohay Mein Kahan Tak :MIR HASAN, REHAN: Woh Manzar Likhe.
Aawaz Teri Nohay Mein Dhali Aati Hai Sada Matam Se.
Yeh Keh Kar Aye Pursadaro Zahra Ko Pursa Dena.

Poet: :Rehan Azmi:
Noha Khuwan: :Mir Hasan Mir:
Noha Volume: :Mir Hasan Mir 2006-07:

#NaAsgharHaiNaSakina
#NohayLyrics
#tajpoint

Zindaan Se Reha Ho Kar Bano Ab Kya Jaye Gi Madina Na Asghar Hai Na Sakina 2006