Churwa Do Humein Gham Se Yehi Waqt-e-Karam Hai 2020

Ya Fatima Zahra Tumhein Bachoon Ki Qasam Hai.

Aoulad Ki Naimat Se Hain Mehroom Jo Maein.
Be Sheer Ke Jholay Pe Woh Karti Hain Duaein.
Umeed-e Karam Aap Ka Hi Baab-e-Karam Hai.

Har Ranj-o-Bala Door Rahe Hai Yehi Faryad.
Shabeer Ke Matam Ke Liye Woh Rahe Aabad.
Abbas-e-Alamdar Ka Jis Ghar Pe Alam Hai.

Rizwan-o-Malaik Hain Palay Aap Ke Dar Se.
Kyun Bandah-e-Momin Bhala Phir Rizq Ko Tarsay.
Hatam Ka Nahi Yeh Tu Dar-e-Shah-e-Ummam Hai.

Sajjad Ke Sadqay Ossay Aazad Kara Dein.
Sughra Ke Tasaduq Ossay Apno Se Mila Dein.
Momin Jo Koi Qaid Mein Be Jurm-o-Sitam Hai.

Dena Hai Mujhe Aap Ko Shabeer Ka Pursa.
Bibi Mujhe Jaldi Se Bola Lijay Madina.
Sansein Yeh Batati Hain Keh Ab Waqt Bhi Kam Hai.

Khushiyon Ki Talab Aap Se Ki Hai Na Karein Gaye.
Hum Aap Ki Marzi Pe Raza Mand Rahein Gaye.
Darkar Humein Aap Se Shabeer Ka Gham Hai.

Hai Meri Dua Aap Se Aye Malka-e-Janat.
Sar Apna Utha Kar Woh Chaley Taba Qayamat.
Jis Jis Ki Jabeen Aap Ki Dehleez Pe Khum Hai.

Aye Kafoye Ali Jald Unhein Kafo Atta Kar.
Arsay Se Hain Bethi Hoi Kuch Betiyaan Ghar Par.
Iss Baat Ka Maa Baap Ko Har Waqt Alam Hai.

Mehdi Se Lehad Aap Ki Dekhi Nahi Jati.
Ab Pardah-e-Ghaibat Se Unhein Bhaij Do Bibi.
Yeh Meri Duaon Mein Dua Sab Se Aham Hai.

Yeh Kehte Hain Beemar Keh Minber Se Dua Do.
Tum Zakir-e-Sarwar Ho Shifa Hum Ko Dila Do.
Bibi Tere Hathoon Mein :TAKALLUM: Ka Bharam Hai.

Poet: :Mir Takallum Mir:
Recited By: :Mir Hassan Mir:
Compostion: :Raza Shah:
Compostion: :Akbar Abbas:

Munajat e Bibi Fatima

#MunajatLyrics
#DuaLyrics
#tajpoint

Munajat Churwa Do Humein Gham Se Yehi Waqt-e-Karam Hai