Kon Samjha Hai Martaba Maa Ka-1 Lyrics In Urdu and Roman Urdu
کون سمجھا ہے مرتبہ ماں کا۔1
Aik Rishta Hai Zamane Mein Muhabbat Ke Liye.
Pyar Jis Ka Nahi Dunya Mein Tijarat Ke Liye.
Maa Woh Hasti Hai Jo Aysar Kiye Jati Hai.
Apne Bachoon Se Faqat Pyar Kiye Jati Hai.
Darjah Maa Ka Humein Quran Bhi Samjhata Hai.
Maa Ke Qadmo Mein Hai Janat Yehi Batlata Hai.
Maa Dua Mangay Tu Tofan Bhi Tham Jata Hai.
Dard Maa Ka Kahan Qudrat Se Saha Jata Hai.
Maa Jo Tarpi Tu Mashiyat Ko Taraptay Dekha.
Chashma-e-Aab Ko Sehra Mein Obaltay Dekha.
Ho Pareshan Jo Aoulad Tu Jaan Khoti Hai.
Qabar Mein Ja Ke Bhi Maa Chain Se Kab Soti Hai.
Fikar-e-Aoulad Kahan Maa Se Juda Hoti Hai.
Band Aankhein Hoon Magar Lab Pe Dua Hoti Hai.
Pori Hoti Hai Dua Kaisay Yeh Ja Kar Dekho.
Qabar Pe Maa Ki Kabhi Hath Utha Kar Dekho.
Nalah-o-Aah-o-Fogaan Lab Pe Na Aane Dena.
Maa Ko Takleef Na Koi Bhi Uthane Dena.
Talkhi Lehjay Mein Zara Si Bhi Na Aane Dena.
Maa Ki Khidmat Ka Na Moqa Koi Jane Dena.
Maa Agar Rothay Gi Samjho Keh Qayamat Hogi.
Aal-e-Athar Se Samjho Keh Adawat Hogi.
Ho Dua Maa Ki Tu Taqdeer Bana Sakti Hai.
Dunya Kiya Cheez Hai Janat Bhi Dila Deti Hai.
Maa Ki Azmat Yehi Ijaz Dikha Sakti Hai.
Maut Ko De Ke Shikast Laut Ke Aa Sakti Hai.
Dekha Tareekh Mein Youn Banday Kafan Toot Gaye.
Maa Na Seh Payi Keh Bachay Jo Mere Roth Gaye.
Poet: :Mahmood Rizvi:
Manqabat Khuwan: :Joan Rizvi:
Manqabat Volume: :Joan Rizvi 2020-21:
Composition: :Ustad Akbar Abbas:
Peshwai: :Own Rizvi:
#MothersDay
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
