Kon Samjha Hai Martaba Maa Ka-2 Lyrics In Urdu and Roman Urdu
کون سمجھا ہے مرتبہ ماں کا۔2
Ghar Ko Ulfat Se Jo Gulzar Bana Deti Hai.
Har Musibat Mein Sipar Bach Ke Dikha Deti Hai.
Ghar Se Jata Nahi Koi Keh Dua Deti Hai.
Dair Ho Jaye Musallay Ko Bicha Leti Hai.
Nazar Manoos Si Aahat Pe Lagi Rehti Hai.
Pichey Darwazay Ke Khamosh Khari Rehti Hai.
Pyar Karti Nahi Dunya Ko Dikhaney Ke Liye.
Maa Muhabbat Nahi Karti Hai Zamane Ke Liye.
Kisi Lalach Na Kisi Garz Ko Paney Ke Liye.
Bhoki Rehti Kabhi Bachoon Ko Khilaney Ke Liye.
Fikar-e-Aoulad Mein Bas Subha-o-Masa Rehti Hai.
Shab Ko Uth Uth Ke Woh Bachoon Ko Dua Deti Hai.
Chakiyaan Peesti Hai Ghar Ko Chalaney Ke Liye.
Apne Shohar Ka Kabhi Hath Batanay Ke Liye.
Dukh Sahey Jati Hai Bas Apne Gharanay Ke Liye.
Deti Maskeen Ko Faqoon Mein Bhi Khilaney Ke Liye.
Ho Jo Ghamgeen Tu Phir Arsh Bhi Hil Jata Hai.
Keh De Bachoon Se Tu Janat Se Libas Aata Hai.
Dil Dharkta Tu Hai Seene Mein Magar Sans Nahi.
Maa Guzar Jaye Tu Lagta Hai Keh Kuch Pas Nahi.
Ronaq-e-Zeest Na Umeed Koi Aas Nahi.
Kaun Hai Azmat-e-Maa Ka Jisay Ahsas Nahi.
:JAUN: Kya Janiye Kiya Oss Pe Guzar Jati Hai.
Maa Kissi Ki Bhi Jo :RIZVI: Kahin Mar Jati Hai.
Poet: :Mahmood Rizvi:
Manqabat Khuwan: :Joan Rizvi:
Manqabat Volume: :Joan Rizvi 2020-21:
Composition: :Ustad Akbar Abbas:
Peshwai: :Own Rizvi:
#MothersDay
#ManqabatLyrics
#tajpoint
Like TAJPOINT :: Facebook Page :
www.fb.com/tajpointpage
Subscribe TAJPOINT :: Youtube Channel :
www.youtube.com/tajpointpage?sub_confirmation=1
Follow TAJPOINT :: On Twitter :
www.twitter.com/tajpointpage
Visit TAJPOINT :: Official Website :
www.tajpoint.com
